ورتتەن قازا تاپقانداردىڭ جانۇياسىنا كومەك بەرۋ ءۇشىن قىرعىزستاننان ماسكەۋگە دەلەگاتسيا بارادى
ەسكە سالا كەتەيىك، ماسكەۋ قالاسى التۋفيەۆ تاس جولىنداعى باسپاحانادا بولعان ءورت 17 ادامنىڭ ءومىرىن قيدى. الدىن الا مالىمەتتەر بويىنشا، شامداعى قىسقا تۇيىقتالۋ ءورتتىڭ شىعۋىنا سەبەپ بولعان. تەرگەۋشىلەر ءورت قاۋىپسىزدىگى تالاپتارىن بۇزۋ تۋرالى قىلمىستىق ءىس قوزعادى.
جەكسەنبى كۇنى بىشكەك ورتالىعىندا ورتتە قازا تاپقان ەل ازاماتتارىنا قاتىستى ميتينگ- رەكۆيەم ءوتتى. وعان 70 كە جۋىق ادام قاتىستى، اراسىندا پرەزيدەنت اكىمشىلىگى مەن رەسپۋبليكا ۇكىمەتى وكىلدەرى دە بار.
«جاقىن ارادا ورتتەن قازا تاپقان قۇربانداردىڭ جانۇياسىنا كومەك بەرۋ ماسەلەسىن شەشۋ ءۇشىن ماسكەۋگە دەلەگاتسيا ۇشادى»، - دەدى پرەمەر- مينيستر ورىنباسارى گۇلميرا قۇدايبەرديەۆا.
ونىڭ ايتۋىنشا، «بۇل قايعىلى وقيعانى ساياسيلاندىرۋعا جول بەرمەۋ كەرەك». ول قۇربانداردىڭ دەنەسىن ەلگە قايتارۋ ءۇشىن ۇكىمەت بارىنشا كومەك كورسەتەتىنىن اتاپ ءوتتى.
