وڭتۇستىكتە جۇمىس ىستەگەن امەريكالىق ازامات شىمكەنتتى قاتتى ساعىنىپ جۇرگەنىن ايتتى
تاياۋدا امەريكالىق مۇعالىم قازاقستاندا بولعان كۇندەرى تۋرالى اڭگىمەلەپ بەردى.
بۇل تۋرالى «زامانا» باسىلىمى حابارلايدى.
دجەفريدىڭ اكەسى - باعدارلاماشى بولسا، اناسى ءۇي شارۋاسىنداعى ادام. كوپتەگەن حوببيلەرمەن اينالىساتىن ول، باسقا ۇلت وكىلدەرىمەن تانىسقاندى جانە ولاردان كوپ نارسە ۇيرەنگەندى، ساياحاتتاۋدى، جاتتىعۋلاردى، تابيعاتقا شىققاندى، تاماق جاساعاندى جانە پيانينودا ويناعاندى قاتتى ۇناتادى. التى جىل يسپان ءتىلىن مەڭگەرگەن ول، ازداپ كارىس ءتىلىن دە بىلەدى. ال قازاقستاندا ءومىر ءسۇرۋ ارقىلى ورىس ءتىلىن دە مەڭگەرىپ الىپتى.
«باسقا ادامداردى بىلمەيمىن، ءبىراق مەنىڭ قازاقستاننان ۇيرەنگەنىم توزىمدىلىك بولدى. مۇنداعى ءومىرىم قانداي بولاتىنىن مەن الدىن- الا بولجاي المادىم. مەن ويلاماعان، ءتىپتى كۇتپەگەن نارسەلەر دە بولىپ جاتتى. سول ارقىلى مەن توسىن جايلاردى قابىلداۋدى جانە سابىرلى بولۋدى ۇيرەندىم»، - دەيدى كولونەل.
ا ق ش- تان كەلگەن ۇستاز، قازاقستاندا وزىنە نە نارسە ۇناماعانىن دا اشىپ ايتتى.
«قازاقستاندا ادامدار ءبىر- بىرىنە سەنبەيدى ەكەن. مەن بۇل ەلدە ءبىر قيىن وقيعا ءوتىپ، سول وقيعا ادامداردىڭ ەسىندە قالىپ كەتكەن- اۋ دەپ ويلادىم. مۇندا قولىندا بيلىگى بار ادامداردىڭ زاڭعا باعىنبايتىن كەزدەرى بولاتىنىن بايقادىم. ادامدار اراسىندا سەنىمنىڭ بولماۋىنىڭ ءبىر سەبەبى وسىندا جاتۋى دا مۇمكىن. قاي ىستە بولماسىن ادامداردىڭ ءبىر- بىرىنە سەنبەۋى قيىندىق تۋعىزادى. كەيدە قولىندا بيلىگى بار ادامدار ءوز بيلىگىن ادال قولدانا بەرمەيدى. بۇل قاراپايىم ادامدارعا ماسەلە تۋىنداتۋى مۇمكىن. ول جايىندا ءاربىر قازاقستاندىق بىلەدى»، - دەيدى مۇعالىم.
«الماتىدا ەكى جىل، شىمكەنتتە ەكى جىل جۇمىس ىستەدىم. كوپتەگەن ادامدارمەن تانىستىم، دوس بولدىم. ءبارى جاقسى، ءبىراق جانىما جاقىن تارتقان دوستارىم شىمكەنتتە تۇرادى. شىمكەنتتى ساعىنىشپەن ەسكە الامىن. ءوزىم ەكى جىل جۇمىس جاساعان شىمكەنت قالاسىنداعى حيميا- بيولوگيا باعىتىنداعى نازاربايەۆ زياتكەرلىك مەكتەبىندەگىدەي وقۋشىلاردى مەن ەشقاشان كورگەن ەمەسپىن. ولار سونشالىقتى مەيىرىمدى، مادەنيەتتى، اشىق، ەڭبەكسۇيگىش جانە مەن ەشقاشان ۇمىتپايتىنداي كەرەمەت ەدى. مەن وسىنداي وقۋشىلارمەن جۇمىس جاساۋعا مۇمكىندىك العانىم ءۇشىن ءوزىمدى جولى بولعىش ادامداردىڭ قاتارىنا قوسامىن. وسى وقۋشىلاردىڭ ءارقايسىسى كەرەمەت ومىرگە قول جەتكىزەتىنىنە سەنەمىن»، - دەپ اتاپ ءوتتى ول.
دجەفري قازاقستانعا كەلىپ، ءوز بەتىمەن تاماق دايىنداۋدى دا ۇيرەنگەن. ءارى ۇلتتىق تاعامدارعا قاتتى عاشىق بولىپ قالىپتى. ال ول ءوز وتانداستارىنىڭ باستى ارتىقشىلىعى رەتىندە امەريكالىقتاردىڭ اشىقتىق قاسيەتىن اتادى.
«مۇمكىن ول اۆتوبۋستا سەنىڭ جانىڭدا وتىرعان، الدە سۋپەرماركەتتە سەنەن كەيىن تۇرعان شىعار، تانىسىپ، سويلەسسەڭ بولدى، ول سەنىڭ دوسىڭا اينالادى. ءبىز كەز- كەلگەنگە سويلەيمىز، وتە اشىقپىز جانە دوس بولا الامىز. قاي جەردە جۇرسەم دە مەن امەريكاندىقتاردىڭ وسى قاسيەتىن قاتتى ساعىنامىن»، - دەدى ول.
