اتى اڭىزعا اينالعان فۋتبولشى يروداعى وليمپيادا ويىندارىنىڭ جابىلۋ سالتاناتىنا قاتىسۋعا ۋادە بەردى
ول بۇل تۋرالى ءوزىنىڭ تۆيتتەر پاراقشاسىندا ءمالىم ەتتى.
«مەن فيزيوتەراپيا الۋدى جالعاستىرىپ جاتىرمىن جانە 21 -تامىز كۇنى مەرەكەلىك ءىس- شارانىڭ جابىلۋىنا قاتىسۋعا نيەتتىمىن. سىزدەردى جاقسى كورەمىن»، - دەپ جازادى ايگىلى فۋتبولشى ءوزىنىڭ تۆيتتەر جەكە پاراقشاسىنا.
ەسكە سالا كەتەيىك، پەلە ريو- دە- جانەيرو وليمپياداسىنىڭ سالتاناتتى اشىلۋىندا ءتورتجىلدىق دودانىڭ الاۋىن تۇتاتادى دەپ جوسپارلانعان بولاتىن. الايدا، ول بۇكىل الەم الدىنا سۇيەنىش تاياعىمەن شىعۋدى قالامادى.
ناتيجەسىندە، 5 -تامىز كۇنى وليمپيادا ويىندارىنىڭ اشىلۋ سالتاناتى كەزىندە وليمپيادا الاۋىن 2004 -جىلى افينادا وتكەن وليمپيادا ويىندارىندا مارافون جۇگىرۋدە قولا جۇلدە يەلەنگەن 46 جاستاعى ۆاندەرلەي كوردەيرۋ دي ليما جاقتى.
اۆتور: كۇنسۇلتان وتارباي
