الماتى زووباعىندا حالىقارالىق دوستىق كۇنى اتاپ ءوتىلىپ جاتىر - فوتو
زووباق قىزمەتكەرلەرىنىڭ ايتۋىنشا، دوستىق ادامدارعا عانا ەمەس، جانۋارلارعا دا قاجەت دۇنيە.
«زووباق قىزمەتكەرلەرى وزدەرىنە قاراستى قۇستار مەن جانۋارلاردى ەرەكشە كۇتىمگە العان. ولاردىڭ اراسىندا ناعىز دوستىق قارىم- قاتىناس ورناعان دەۋگە بولادى. ال بۇگىنگى كۇنى قىزمەتكەرلەرىمىز ءوز جاۋاپكەرشىلىگىندەگى زووباق مەكەندەۋشىلەرىن سىلاپ- سيپاپ، ولارعا ەرەكشە ءدامدى قورەكتەر بەرە الادى. شىنى كەرەك، كەيبىر قىزمەتكەرلەردىڭ كەيبىر مەكەندەۋشىلەرمەن اراداعى دوستىعىنا قاراپ، تاڭ قالاسىڭ. مىسالى، ەكزوتاريۋم مەڭگەرۋشىسى الەكساندر گۋرنەۆ الەمدەگى ەڭ ۋلى جىلانداردىڭ ءبىرى - ۇندىلىك كەڭ القىمدى ءابجىلان - كاتيامەن دوس. الەكساندرا پىلايكينا لاقاپ اتى جوريك دەپ اتالاتىن كاكادۋدى ەرەكشە جاقسى كورەدى. كاكادۋ - توتى قۇستاردىڭ ءبىر ءتۇرى. دەمەك، دوستىق ادامدارعا عانا ەمەس، جانۋارلارعا دا كەرەك»، - دەلىنگەن زووباقتىڭ باسپا ءسوز قىزمەتىنىڭ حابارلاماسىندا.
ايتا كەتەلىك، حالىقارالىق دوستىق كۇنىن ب ۇ ۇ باس اسسامبلەياسى 2011 -جىلى بەكىتكەن. سودان بەرى 30 -شىلدە كۇنى بارلىق ەلدەردە بۇل كۇن ەرەكشە اتاپ وتىلەدى. بۇل كۇندى اتاپ وتۋدەگى باستى ماقسات - ءار ءتۇرلى ۇلت وكىلدەرى اراسىندا دوستىق قارىم- قاتىناس ورناتۋ.
اۆتور: ايبوتا جاپپاربەرگەن
