رەسەي قۇراماسىنىڭ وليمپيادالىق كوستيۋمى جەلى قولدانۋشىلارىنىڭ كۇلكىسىن كەلتىردى - فوتو
رۋستەم اداگاموۆ ەسىمدى فەيسبۋك قولدانۋشىسى، ءوز پاراقشاسىندا قۇراما مۇشەلەرىنىڭ سۋرەتىن جاريالاپ، سىني پىكىر بىلدىرگەن.
«و قۇدايىم، رەسەي فەدەراتسياسىنىڭ وليمپيادالىق فورماسىن كىمدەر تىككەن؟ سۋرەتتەگى كىمدەر؟ داياشىلار ما؟ قوناقۇيدەگى شۆەيتسارلار ما؟ الدە ك ۆ ن كومانداسى؟ قانداي سۇمدىق»، - دەپ جازدى ول.
ول كەيىنىرەك كۋبا سپورتشىلارىنىڭ سۋرەتتەرىن سالىپ، سولاردىڭ كيىمدەرىن مىسالعا كەلتىرەدى.
«مىنە ناعىز وليمپيادا ويىندارىنا قاتىساتىن سپورتشىلاردىڭ رەسمي كيىمىن جاساعان كاسىبي شەبەرلىك. ادەمى ءارى لايىقتى. كريستيان لۋبۋتەن جانە كۋبا قۇراماسىنىڭ سپورتشىلارى. ايىرماشىلىقتى قاراڭىزدار»، - دەدى اداگاموۆ.
ەسكە سالا كەتسەك، قازاقستان قۇراماسىنىڭ دا وليمپيادالىق كيىمى سىنعا ۇشىراپ، كەيىن كوميسسيا اتالمىش جۇمىستى قايتا قاراستىرعان ەدى.
Stan.kz
