الماتىلىق قوناق ۇيلەر الداعى قىسقى ۋنيۆەرسياداعا دايىن

بۇل تۋرالى بۇگىن الماتى قالاسى اكىمىنىڭ باسپا ءسوز قىزمەتىنەن حابارلادى.

قازىرگى تاڭدا الماتىدا 28- بۇكىل الەمدىك قىسقى ۋنيۆەرسياداعا دايىندىق جۇمىستارى جۇرگىزىلىپ جاتىر.

قالادا قوناقتاردى جايعاستىرۋ جۇمىستارىن 133 نىسان جۇزەگە اسىرادى (قوناق ۇيلەر، موتەلدەر، حوستەلدەر). ولاردا - 7747 ءنومىر بار. ءبىر جولعى سىيىمدىلىعى - 12696 توسەك- ورىن.

بارلىق كاتەگوريا بويىنشا ورتاشا تاۋلىكتىك باعا 12295 تەڭگەنى قۇرايدى.

بۇگىنگى تاڭدا الماتىدا قوناق ءۇي بيزنەسىندە 4756 ادام جۇمىس ىستەيدى. ولاردىڭ ىشىندە 221 ادام - ماۋسىمدىق جۇمىسكەرلەر.

 2016 -جىلى الماتىدا «Shera Park Inn» قوناق ءۇيى ىسكە قوسىلدى. سونداي- اق، بيىلعى جىلدىڭ سوڭىنا دەيىن Kempinskii, Novotel, Hilton جانە Maqan-hotel قوناق ۇيلەرىن پايدالانۋعا بەرۋ جوسپارلانۋدا.

جالپى، قالادا نومىرلىك قور 9 پايىزعا وسكەن (702 جاڭا ءنومىر). بۇل تاعى 540 جاڭا جۇمىس ورىندارىن اشۋعا مۇمكىندىك بەرەدى.

ايتا كەتەلىك، قازىرگى تاڭدا الماتىدا 5 جۇلدىزدى - 6 نىسان، 4 جۇلدىزدى - 25 نىسان، 3 جۇلدىزدى - 26 نىسان، كاتەگورياسى جوق - 65 نىسان جانە قوناقتارعا ارنالعان باسقا دا 11 نىسان جۇمىس ىستەيدى.

اۆتور: ايبوتا جاپپاربەرگەن

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى