نوسەر سالدارىنان قىتاي ۇلى قورعانىنىڭ ءبىر بولىگى وپىرىلىپ قۇلادى
قىتايدا جاۋىپ تۇرعان نوسەرلى جاۋىن سالدارىنان قىتاي ۇلى قورعانى زارداپ شەكتى، دەپ حابارلادى ت ا س س.
كوشكىن سالدارىنان كونە قۇرىلىمنىڭ 30 مەترگە جۋىق بولىگى جيۋيۋنگۋان زاستاۆاسىنىڭ ماڭىندا قۇلادى. بۇل زاستاۆا بەيجىڭنەن 50 شاقىرىم جەردە ورنالاسقان، دەپ حابارلادى "بەيجيڭ چەنباو" گازەتىنىڭ ەلەكتروندى نۇسقاسى.
زاستاۆا ماڭىندا ورنالاسقان شيسانلين مەموريالدىق كەشەنى وكىلىنىڭ سوزىنە قاراعاندا، جوندەۋ جۇمىستارى جۇرگىزىلۋدە. وقيعا ورنىندا، سونىمەن قاتار، ءبىر توپ ارحەولوگتار مەن گەولوگتار جۇمىس ىستەپ جاتىر. ولار كەلتىرىلگەن زالال مەن جاڭا كوشكىندەردىڭ پايدا بولۋ مۇمكىندىگىن باعالايتىن بولادى.
قىتاي ۇلى قورعانى قىتايدىڭ اتاقتى تاريحي قۇرىلىمدارىنىڭ ءبىرى.
