مىرزاعالي ايتجانوۆ: مەن ءوز باتىرلارىما سەنەمىن - كەسكىن، فوتو

وسىعان وراي سپورتشىلارىمىز جاتتىعىپ جاتقان الاڭعا ارنايى بارىپ، باس باپكەر مىرزاعالي ايتجانوۆتان بوكسشىلاردىڭ ريوعا ازىرلىگىن ءبىلىپ قايتتىق.

بۇل ءبىزدىڭ وليمپيادا الدىنداعى سوڭعى وقۋ-جاتتىعۋىمىز جيىنىمىز دەيدى باس باپكەر.

«وسىندا شىلدەنىڭ 27-نە دەيىن بولامىز. اللا قالاسا، 28- شىلدەدە ريوعا جول تارتامىز. نەگىزگى جوسپارلاعان وقۋ-جاتتىعۋىمىزدىڭ بارلىعىن جاسادىق. بۇل - سوڭعىسى»، - دەپ اتاپ ءوتتى ايتجانوۆ.

«قانشا مەدال الۋدى جوسپارلاپ وتىرسىزدار» دەگەن سۇراعىمىزعا كۇلە جاۋاپ بەردى.

«وليمپيادادا 250 بوكسشى 10 سالماقتان بار جوعى 40 مەدالعا تالاسادى. ونىڭ 10 ى التىن، 10 ى كۇمىس، 20 سى قولا مەدال. ال بارعان 250 سپورتشىنىڭ 210 ىنا ۇيىنە مەدالسىز ورالۋىنا تۋرا كەلەدى. سوندىقتان، مەدال الۋ وڭاي ەمەس. ءبىراق ءبىز وسى 40 مەدالدىڭ ءار تۇرىنەن كەمىندە ءتورت-بەسەۋىن الۋعا تىرىسامىز. ارينە، قانشا كوپ التىن الساق، سونشالىقتى جاقسى»، دەپ قىسقا قايىردى باس باپكەر.

ال جالپى دايىندىق جايىندا كەڭىرەك توقتالىپ ءوتتى. «قانات يسلام باۋىرىمىز بىزگە وتە ۇلكەن كومەك جاساپ جاتىر. ا ق ش- تان سپاررينگكە بوكسشىلار اكەلۋگە بارىن سالدى. ولار قازىر بىزبەن بىرگە. وسىنداي جىگىتتەرگە راحمەت! بىزدە ونسىز دا بارلىق جاعداي جاسالعان. ءبىز تەك مەدال ءۇشىن جاتتىعىپ جاتىرمىز. بۇيىرتسا، ريودان جاقسى ناتيجەمەن ورالاتىن بولامىز. مەن ءوز باتىرلارىما سەنەمىن»، - دەپ اتاپ ءوتتى مىرزاعالي ايتجانوۆ.

سۇحباتىمىزدىڭ تولىق نۇسقاسىن جانە بوكسشىلاردىڭ دايىندىعىن تومەندەگى ۆيدەولاردان كورە الاسىزدار.

 





اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى