ەندى حالىق قوسىمشا كەلىسۋلەردى كۇتپەستەن جەدەل اقپارات الاتىن بولادى - مينيستر داۋرەن ابايەۆ

ءىس-ارەكەتتەر الگوريتمىنە ساي، قانداي دا ءبىر اقپارات قوسىمشا كەلىسىمدى كۇتپەستەن، ازاماتتارعا بۇرىنعىدان تەزىرەك تاراتىلاتىن بولادى.

بۇل تۋرالى فەيسبۋك الەۋمەتتىك جەلىدەگى ءوزىنىڭ جەكە پاراقشاسىندا ق ر اقپارات جانە كوممۋنيكاتسيالار ءمينيسترى داۋرەن ابايەۆ ءمالىم ەتتى.

اقپارات ءمينيسترى ءوز اڭگىمەسىن «راديوتوچكا» پورتالىنداعى «پەرەسترەلكا ۆ الماتى: وچەرەدنوي ينفورماتسيوننىي پروۆال ۆلاستي» اتتى ماتەريالعا قاتىستى پىكىر بىلدىرۋدەن باستادى.

««راديوتوچكا» پورتالىندا جارىق كورگەن «پەرەسترەلكا ۆ الماتى: وچەرەدنوي ينفورماتسيوننىي پروۆال ۆلاستي» اتتى ماقالانى قىزىعا وقىپ شىقتىم.

«ماقالاعا جازىلعان ساراپشىلاردىڭ جەكەلەگەن سوزدەرىمەن كەلىسەمىن. بۇل تراگەديا اقپاراتتىق ارەكەت ەتۋ باعىتى بويىنشا ءبىرقاتار وزەكتى پروبلەمالاردىڭ بار ەكەنىن كورسەتتى، ونى جاسىرمايمىن. قازىر ماڭىزدىسى - بۇل وقيعادان دۇرىس ساباق الىپ، قاجەتتى شارالاردى قولعا الۋ»، - دەيدى د. ابايەۆ.

دەگەنمەن، اقپارات ءمينيسترى ماقالانىڭ تاقىرىبىنداعى «اقپاراتتىق قۇلاۋ» تۋرالى پىكىرمەن كەلىسپەيتىنىن ايتىپ وتىر.

«دەگەنمەن، «اقپاراتتىق ساتسىزدىك» تۋرالى پىكىر شىنايى كورىنىستى دۇرىس سيپاتتاماي تۇرعانىن جانە بۇلاي دەۋ ادىلەتسىزدىك ەكەنىن ايتقىم كەلەدى.

ماقالانىڭ وزىنەن مىسال كەلتىرسەم، مىسالى، ماقالا اۆتورى اتىس باستالعان ساتتەن باستاپ، ازاماتتار ىشكى ىستەر مينيسترلىگىنىڭ رەسمي باسپا ءسوز حابارلاماسى شىققانعا دەيىن ءۇش ساعات (!) بويى اقپاراتتىق سەرگەلدەڭگە سالىندى دەپ جازادى.

الايدا، جۋرناليست قالالىق ىشكى ىستەر دەپارتامەنتىنىڭ باسپا ءسوز قىزمەتى الدەقايدا ەرتە (ساعات 12.28 دە) حالىققا انتيتەررورلىق وپەراتسيا ءجۇرىپ جاتقانىن، ۇيدەن شىقپاي، حالىق كوپ جينالعان جەرگە بارماۋىن ەسكەرتتى دەپ جازۋدى ۇمىتىپ وتىر. 15 مينۋتتان كەيىن قالا بويىنشا تەرورلىق قاۋىپتىڭ قىزىل دەڭگەيى جاريالاندى.

باسپا ءسوز حابارلاماسى قاجەتتى اقپارات جينالىپ، تەكسەرىلگەننەن كەيىن بىردەن جاريالاندى»، - دەپ تۇسىندىرگەن د. ابايەۆ.

بۇل رەتتە مينيستر جالعان اقپارات كوپ تارالعان سوڭ، ونى تەكسەرۋدە دە كوپ ۋاقىت كەتكەنىن ەسكەرتىپ وتىر.

«وزدەرىڭىز ءتۇسىنىپ وتىرعانداي، جالعان اقپاراتتىڭ تارالۋى جۇمىستى قيىنداتتى، سەبەبى ونى تەكسەرۋ ءۇشىن جاۋاپتى ادامداردىڭ كۇشى، ۋاقىتشا رەسۋرستار جۇمسالدى. وسىنداي ءىس- ارەكەت ءۇشىن وتاندىق قۇقىق نورمالارىنا ساي، جاۋاپكەرشىلىك جۇكتەلەدى جانە وسىنداي جاعدايدا زاڭعا ەرمەۋدىڭ ەش سەبەبىن كورىپ وتىرعان جوقپىن»، - دەدى د. ابايەۆ.

مينيستر 18 -شىلدە كۇنى تاڭعى ساعات 10.50 شاماسىندا الماتىدا باستالعان اتىس تۋرالى ساعات 11.00 دە ەستىگەنىن ايتىپ وتىر.

«مينيسترلىكتىڭ ۋاكىلەتتىلىگىنە قاراستى ماسەلەلەردىڭ بارلىعى جەدەل تۇردە قارالدى. حالىققا تەلەارنالار پروفيلاكتيكالىق جۇمىسقا بايلانىستى ۇزىلىستە ەكەنى جەدەل ايتىلىپ، ينتەرنەت سايتتار قولجەتىمدى ەكەنىن حابارلادىق. سونىمەن قاتار، تەلەارنالاردى تەز ارادا ەفيرگە قوسۋ شارالارىن قولعا الدىق»، - دەيدى د. ابايەۆ.

د. ابايەۆ ءمالىم ەتكەندەي، اقپارات جانە كوممۋنيكاتسيالار قىزمەتى ىشكى ىستەر مينيسترلىگىمەن بىرلەسە اقپاراتتى راستاۋ ۋاقىتىن قىسقارتۋ ماسەلەسىن پىسىقتاعان.

«مەملەكەتتىك ورگانداردىڭ جەدەل اقپاراتتىق ارەكەت ەتۋى جونىندەگى ستراتەگيانى جەتىلدىرۋ ءۇشىن ءقازىر ءبىز قر ىشكى ىستەر مينيسترلىگىمەن بىرگە ءىس-ارەكەتتەر الگوريتمىن ازىرلەدىك. وعان سايكەس، حالىققا اقپارات قوسىمشا كەلىسۋلەردى كۇتپەستەن، بارىنشا جەدەل تاراتىلادى»، - دەپ ءتۇسىندىردى د. ابايەۆ.

«ءسوز سوڭىندا ايتايىن دەگەنىم، ۆەدومستۆونىڭ جۇمىسىن جەتىلدىرۋ ءۇشىن سىندارلى ۇسىنىستىڭ بارلىعى ماڭىزدى. جانە سىزدەردىڭ قولداۋلارىڭىزعا سەنەمىز»، - دەدى د. ابايەۆ.

اۆتور: كەنجەكەي توقتامۇرات قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى