الماتىداعى ارنايى وپەراتسيا اياسىندا قىلمىسكەردىڭ جالدامالى پاتەرى تەكسەرىلدى

بۇل تۋرالى بريفينگتە ءى ءى د رەسمي وكىلى سالتانات ازىربەك حابارلادى.

«ازامات كۇلىكبايەۆتىڭ زاڭعا قايشى ارەكەتىنە قاتىستى سوتقا دەيىنگى تەرگەۋ جۇرگىزۋ بارىسىندا پوليتسيا بولىمشەسى قىلمىسكەردىڭ سوڭعى كەزدەرى تۇرعان جالدامالى پاتەرىن انىقتادى»، - دەدى س. ازىربەك.

ول پوليتسيا قىزمەتكەرلەرىنىڭ پاتەردەن ازاماتتاردىڭ ومىرىنە قاۋىپ توندىرەتىن تىيىم سالىنعان زاتتاردى تاپپاعانىن اتاپ ءوتتى.

«تەكسەرۋ شاراسىن جۇرگىزۋ ءۇشىن بارىنشا قاۋىپسىزدىك شارالارى جاسالدى: كوپ پاتەرلى ءۇيدىڭ تۇرعىندارىن كوشىردىك، ىرگەلەس اۋماقتار قورشالدى. جالدامالى باسپانانى تەكسەرۋ بارىسىندا قانداي دا ءبىر تىيىم سالىنعان زاتتار تابىلمادى»، - دەدى ءى ءى د وكىلى.

كۇلىكبايەۆقا قاتىستى ق ر ق ك 99- بابى، 2- ءبولىمى، 269- بابى، 2- ءبولىمى، 380- بابى، 2- ءبولىمى، 255- بابى، 4- ءبولىمى، 291- بابى، 1- ءبولىمى، 200- بابى، 4- ءبولىمى بويىنشا سوتقا دەيىنگى تەرگەۋ امالدارى جالعاسۋدا. بەرىلگەن فاكتىلەر الماتى قالاسى الماتى اۋداندىق ءى ءى ب جانە الماتى قالاسى بويىنشا ۇ ق ك د سوتقا دەيىنگى تەرگەۋدىڭ ءبىرىڭعاي رەسترىنە تىركەلدى.

جۇرگىزۋشىگە قاراقشىلىق شابۋىل جاساۋ جانە ايەل ادامدى ءولتىرۋ فاكتىسى ق ر ق ك 99- بابى، 1- ءبولىمى جانە 192- بابى، 2- ءبولىمى بويىنشا تەرگەلۋدە. كورسەتىلگەن قىلمىستاردى تەرگەۋ ماقساتىندا مەكەمەارالىق تەرگەۋ توبى قۇرىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى