كوماندير: الماتىدا قازا تاپقان ت. بەگاسىلوۆ جۇرەگى كەڭ ادام بولاتىن

الماتى ىشكى ىستەر دەپارتامەنتى اكىمشىلىك پوليتسيا باسقارماسى جول-پاترۋلدىك پوليتسياسى ارنايى قىزمەت باتالونىنىڭ كومانديرى، پودپولكوۆنيك سەرىك ءابجانوۆ قول استىنداعى قىزمەتكەرىنە وسىنداي مىنەزدەمە بەردى.

«كوماندير رەتىندە ونىڭ بويىنداعى ادال مىنەزىن، ماقساتشىل ورەسىن اتاپ وتكىم كەلەدى. تيمۋردىڭ جۇرەگى كەڭ ەدى. ول بولاشاعىنان كوپ ءۇمىت كۇتتىرگەن ازدىڭ ءبىرى بولاتىن. ول ادام بويىنداعى قاسيەتتەردى كاسىبي قاسيەتتەرمەن ۇشتاستىرا بىلەتىن، ادامعا جاردەم كەرەك بولسا، ايانىپ قالمايتىن. ءوز ورنىنا لايىق ادام ەدى. ونىڭ ۇستىنە تيمۋر پوليتسيا اۋلەتىنەن شىققان، ونىڭ اكەسى ىشكى ىستەر ورگاندارىندا قىزمەت ەتەدى. تيمۋرعا پوليتسيا قاتارىندا قىزمەت ەتۋ ماڭدايىنا جازىلعان، ول ءتارتىپ ساقشىسى قاتارىنا ءوتىپ، ەلىنىڭ تىنىشتىعى ءۇشىن قىزمەت ەتتى»، - دەدى س. ءابجانوۆ.

ەسكە سالا كەتەيىك، ت. بەگاسىلوۆ كەشە، 19- شىلدە كۇنى 13:45 تە الماتى قالاسىنىڭ جەدەل جاردەم اۋرۋحاناسىندا كوز جۇمدى. ول 18- شىلدە كۇنى وق جاراقاتىمەن اۋىر حالدە جەتكىزىلگەن بولاتىن. دارىگەرلەر ءتارتىپ ساقشىسىنىڭ ءومىرىن اراشالاپ قالۋ ءۇشىن بارىن سالدى. ىشكى ىستەر ورگاندارىنا لەيتەنانت ت. بەگاسىلوۆ 2015-جىلدىڭ قاڭتار ايىنان بەرى قىزمەت ەتەدى. 25- شىلدە كۇنى ونىڭ جاسى 30 عا تولار ەدى.

قالالىق ءى ءى د- ءنىڭ مالىمەتتەرى بويىنشا، ت. بەگاسىلوۆتىڭ جەرلەۋ ءراسىمى 21- شىلدەدە ەسىك قالاسىندا وتەدى.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى