قاراعاندىلىق ج و و- نىڭ قابىلداۋ كوميسسياسىندا نۇرلان ەسىمدى روبوت جۇمىس ىستەيدى - كەسكىن
ەلەكتروندى كومەكشى تۇلەكتەردى قارسى الىپ، ج و و قابىلداۋ زالىندا كونسۋلتانت قىزمەتىن اتقارادى.
«روبوتقا ءبىز نۇرلان دەپ ات قويدىق. بۇل جاڭا نۇسقاداعى «پرومو-بوت». ول جەكە تۇلعالاردى تاني الادى، ولاردى ەسكە ساقتاي الادى. جاپوندىق، ءبىراق رەسەيدە قۇراستىرىلعان»، - دەيدى تەحنيكالىق قىزمەت كورسەتۋ قىزمەتىنىڭ ينجەنەرى يۆان حرامكوۆ.
ونىڭ ايتۋىنشا، بۇل قازاقستاندىق ج و و- لارداعى العاشقى روبوت-قىزمەتكەر.
«ءبىز نۇرلانعا قازاق ءتىلىن ۇيرەتپەكپىز. قازىرشە باستاپقى ساتىدا ءجۇرمىز، قاراپايىم ديالوگتار قۇرۋدى ۇيرەنۋدەمىز»، - دەدى ءسوزىن جالعاي كەلە ول.
روبوت ازىرشە تەك ورىسشا جانە اعىلشىنشا سويلەيدى.
جوسپار بويىنشا، نۇرلان كەيىن ۇستاز بولىپ، ساباق بەرۋى ءتيىس.
