قاۋىپسىزدىك سالاسى ءبىرىنشى كەزەكتە قارجىلاندىرىلادى - ك. ءماسىموۆ
بۇل تۋرالى بۇگىن ق ر پرەمەر-ءمينيسترى كارىم ءماسىموۆ ءمالىم ەتتى.
«قاۋىپسىزدىكتى كۇشەيتۋگە باعىتتالعان قازاقستان پرەزيدەنتىنىڭ تاپسىرمالارى ءبىرىنشى كەزەكتە قارجىلاندىرىلاتىن بولادى»، - دەدى ك. ءماسىموۆ ق ر ۇكىمەتىنىڭ وتىرىسىندا.
وسىعان بايلانىستى ۇكىمەت باسشىسى ۇلتتىق ەكونوميكا جانە قارجى مينيسترلىكتەرىن ەرەكشە اتاپ ءوتتى.
سونىمەن قاتار ول مەملەكەت باسشىسىنىڭ تاپسىرمالارىن بەلگىلەنگەن مەرزىمدە تياناقتى جۇزەگە اسىرىلۋىن باقىلاۋدا ۇستاپ تۇرۋدى قامتاماسىز ەتۋ قاجەتتىگىنە دە نازار اۋداردى. مەملەكەت باسشىسىنا بايانداماس بۇرىن، اي سايىن ۇكىمەتتە وسى تاپسىرمالار بويىنشا ارالىق ەسەپتەر تىڭدالاتىن بولادى. ونىڭ ۇستىنە رەسپۋبليكالىق بيۋدجەتتىك كوميسسيانىڭ ارنايى وتىرىسى ءوتىپ، وندا قاۋىپسىزدىك ماسەلەلەرى ماقساتتارىنا قاراستىرىلاتىن بيۋدجەت جوباسى تالقىلانادى.
اۆتور: جاسۇلان جولدىبايەۆ
