قالمۇحانبەت قاسىموۆ الماتىدا اتىس ۇيىمداستىرعان ادامنىڭ سالافيتتەرمەن بايلانىسقانىن راستادى

«بۇنداي بايلانىس بولعان. ونى تەكسەرىپ جاتىرمىز. قازىر ونىڭ جازاسىن وتەۋ مەرزىمىنە قاتىستى بارلىق دەرەكتى تەرگەۋ باستالدى. رۋسلان كۇلىكبايەۆ قاڭتار ايىندا الماتىعا كەلگەننەن بەرگى ءار قادامىن تەكسەرىپ جاتىرمىز»، - دەدى ق. قاسىموۆ ۇكىمەت وتىرىسىنان سوڭ جۋرناليستەردىڭ سۇراعىنا جاۋاپ بەرە كەلە.

ەستەرىڭىزگە سالا كەتەيىك، كەشە، 18- شىلدە كۇنى الماتىدا ورىن العان وقىس وقيعاعا قاتىستى ق ر پرەزيدەنتى نۇرسۇلتان نازاربايەۆ قاۋىپسىزدىك كەڭەسىن وتكىزگەن بولاتىن.

«كۇلەكبايەۆ رۋسلان الپىسباي ۇلى 1990-جىلى 11- ماۋسىمدا تۋعان،  قىزىلوردا وبلىسىنىڭ تۋماسى، بۇنىڭ الدىندا بايقوڭىر قالاسىندا تۇرىپ كەلگەن. ۇيلەنگەن. سوڭعى كەزدەرى الماتى وبلىسى ىلە اۋدانى ىنتىماق اۋىلىندا تىرشىلىك ەتكەن، ۇيالى تەلەفون ساتۋمەن اينالىسقان. 2010-جىلى 27- تامىزدا شىمكەنت قالاسى ەڭبەكشى اۋداندىق سوتىمەن قىلمىستىق كودەكستىڭ 178- بابى 2- بولىگى بويىنشا («زورلىق كورسەتۋ ارقىلى توناۋ») سوتتالعان. 2012-جىلى 8- مامىردا  قىزىلوردا وبلىستىق سوتىمەن ق ر ق ك- ءنىڭ 251- بابى («اتىس قارۋىن زاڭسىز ساتىپ الۋ جانە ساقتاۋ») بويىنشا 2 جىلعا جانە 11 ايعا باس بوستاندىعىنان ايىرىلدى. كولونيادا سالافيتتەرگە قوسىلىپ كەتكەن»، - دەدى قاۋىپسىزدىك كەڭەسىنىڭ وتىرىسىندا ۇ ق ك- ءنىڭ باسشىسى ۆ. جۇماقانوۆ.

اۆتور: كەنجەكەي توقتامۇرات قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى