بايان-ولگەي مەن قازاقستان اراسىندا جاڭا اۋە باعىتتارى اشىلۋى مۇمكىن

«ينۆەستيتسيالار جانە دامۋ مينيسترلىگى بايان ولگەي-الماتى، بايان ولگەي-وسكەمەن اراسىندا اۋە قاتىناسىن اشۋ تۋرالى ماسەلەنى زەرتتەسىن»، - دەپ اتاپ ءوتتى ك. ءماسىموۆ.

سونداي-اق، ول اۋىل شارۋاشىلىعى مينيسترلىگىنە - موڭعوليادا سەمەي ەت كومبيناتىنا ارناپ ەت ساتىپ الۋ، سونداي-اق مال شارۋاشىلىعى كلاستەرىن قۇرۋ مۇمكىندىگىن قاراۋ تاپسىرىلدى. سىرتقى ىستەر مينيسترلىگىنە بايان-ولگەيدە كونسۋلدىق قىزمەت اشۋ جانە وعان قوسا ۇلانباتىر قالاسىندا قازاقستان ەلشىلىگىنىڭ عيماراتىن سالۋ تاپسىرىلدى.

«ءبىلىم جانە عىلىم مينيسترلىگى موڭعوليا ازاماتتارىنا ەلىمىزدىڭ جوعارى وقۋ ورىندارىنا بولىنەتىن كۆوتانى كوبەيتۋ ماسەلەسىن قاراستىرسىن. سىرتقى ىستەر مينيسترلىگى وسى تاپسىرمالاردىڭ ورىندالۋىن باقىلاۋعا الىپ، ءتيىستى اقپاراتتى پرەمەر-ءمينيستردىڭ كەڭسەسىنە ەنگىزسىن»، - دەپ اتاپ ءوتتى ول.

ەسكە سالساق، وتكەن اپتادا مەملەكەت باسشىسى نۇرسۇلتان نازاربايەۆتىڭ تاپسىرماسىمەن ك. ءماسىموۆ 10- شىلدەدە سەل كوشكەن موڭعولياداعى بايان-ولگەي ايماعىنداعى (وكرۋگ) ولگەي قالاسىنا باردى. توتەنشە جاعداي ناتيجەسىندە 100 دەن استام ءۇي قيراپ، 700 ادام باسپاناسىز قالدى.

ولگەي قالاسىنداعى قازاق دياسپوراسىنىڭ وكىلدەرىمەن كەزدەسۋدە ك. ءماسىموۆ پرەزيدەنت ن. نازاربايەۆتىڭ تاپسىرماسىمەن ق ر ۇكىمەتى سەل كوشكىنىنەن زارداپ شەككەن وتباسىلارعا قارجىلاي كومەك كورسەتىلەتىنىن مالىمدەگەن بولاتىن.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى