كۇزەت ۇيىمدارىنىڭ مىندەتىنە انتيتەررور قىزمەتى قوسىلادى - ۇ ق ك
ارنايى قۇرىلعان جۇمىس توبى ءتيىستى زاڭ جوباسىن ازىرلەدى، دەپ حابارلادى بۇگىن ۇكىمەت وتىرىسى بارىسىندا ۇلتتىق قاۋىپسىزدىك كوميتەتىنىڭ ءتوراعاسى ۆلاديمير جۇماقانوۆ.
«تەرروريزمگە قاتىستى نىسانداردى قورعاۋ جونىندەگى زاڭ جوباسىن جەتىلدىرۋ اياسىندا، كۇزەت ۇيىمدارى وزدەرى كۇزەتەتىن نىساندى تەرروريزمنەن قورعاۋعا مىندەتتى سۋبەكتىلەردىڭ قاتارىنا قوسىلادى. تەرروريزمگە قارسى زاڭنامانى ورىنداۋدان جالتارسا، ول كۇزەت ۇيىمىنىڭ قىزمەتى توقتاتىلادى»، - دەپ حابارلادى ۇكىمەت وتىرىسىندا بايانداما جاساعان ۆ. جۇماقانوۆ.
بۇعان دەيىن حابارلاعانىمىزداي، ەكسترەميزم جانە تەرروريزممەن كۇرەس ماسەلەلەرى جونىندەگى كەيبىر زاڭنامالىق اكتىلەرگە ءىشىنارا وزگەرىستەر مەن تولىقتىرۋلار ەنگىزۋ تۋرالى زاڭ جوباسى التى كودەكس پەن ءبىرقاتار باعىتتاعى 18 زاڭعا تۇزەتۋ ەنگىزۋدى كوزدەيدى.
اۆتور: كەنجەكەي توقتامۇرات قىزى
