الماتىدا اتىستا جارالانعانداردىڭ تورتەۋى وتە اۋىر حالدە جاتىر

بۇل تۋرالى بۇگىن الماتىدا بريفينگ بارىسىندا الماتى قالالىق دەنساۋلىق ساقتاۋ باسقارماسىنىڭ باس حيرۋرگى نۇرجان يسابەكوۆ حابارلادى.

«بۇگىنگى تاڭدا الماتى كلينيكالارىندا 7 ناۋقاس جاتىر. ولاردىڭ بەسەۋى قالالىق جەدەل شۇعىل كومەك كورسەتۋ اۋرۋحاناسىندا، 2 ادام قالالىق ورتالىق كلينيكالىق اۋرۋحانادا جاتىر. الماتى قالالىق جەدەل شۇعىل كومەك كورسەتۋ اۋرۋحاناسىندا 5 ادام جان ساقتاۋ بولىمىندە جاتقىزىلدى. ولاردىڭ ۇشەۋى وتە اۋىر حالدە. قالعان ەكەۋىنىڭ جاعدايىن تۇراقتى ورتاشا اۋىر حالدە دەۋگە بولادى. قالالىق ورتالىق كلينيكالىق اۋرۋحاناعا جەتكىزىلگەن ەكى ادامنىڭ ءبىرى وتە اۋىر حالدە، ال ەكىنشىسىنىڭ جاعدايىن تۇراقتى ورتاشا اۋىر حالدە دەۋگە بولادى»، - دەدى نۇرجان يسابەكوۆ.

سونىمەن قاتار، ونىڭ ايتۋىنشا، زارداپ شەككەندەردىڭ بارلىعى دەرلىك كەۋدە تۇستارىنان، ىشتەن جانە اياق-قولدارىنان جارالانعان.

سونىمەن قاتار، باس وتاشى ۇستالعان كۇدىكتىنىڭ حيرۋرگيا عىلىمي-زەرتتەۋ ينستيتۋتىنان تەرگەۋ اباقتاسىنا اۋىستىرىلعاندىعىن ايتتى.

«كۇدىكتى تەرگەۋ اباقتىسىنا اۋىستىرىلدى. ول كەۋدە جانە ىشىنەن جاراقات العان»، - دەدى ن. يسابەكوۆ.

اۆتور: ايبوتا جاپپاربەرگەن

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى