تۇركيا وتكەن جىلى رەسەيدىڭ بومبالاۋشى ۇشاعىن اتىپ تۇسىرگەن قوس ۇشقىشتى قاماۋعا الدى
بۇل تۋرالى بلۋمبەرگ تۇركيالىق جوعارى شەندى شەنەۋنىككە سىلتەمەمەن حابارلادى.
«سيريا شەكاراسى ماڭىندا رەسەيدىڭ بومبالاۋشى سۋ-24 ۇشاعىن اتىپ تۇسىرگەن ەكى ۇشقىش قاماۋعا الىندى»، دەگەن حاباردى تۇركيالىق شەنەۋنىك ونىڭ اتىن اتاماۋ تۋرالى شارتپەن ايتىپ بەرگەن.
بۇل تۋرالى ر ي ا نوۆوستي جازادى.
رەسەي مەن تۇركيا اراسىندا سالقىندىق وتكەن جىلدىڭ 24 -قاراشاسىندا تۇركيانىڭ جويعىش ۇشاعى سيريا شەكاراسى ماڭىندا رەسەيدىڭ بومبالاۋشى سۋ-24 ۇشاعىن اتىپ تۇسىرگەننەن كەيىن باستالعان.
ر ف پرەزيدەنتى ۆلاديمير پۋتين مۇنى «ارقاعا جاساعان سوققى» دەپ اتاعان ەدى. وسىدان سوڭ رەسەي تۇركياعا ءبىرقاتار ەكونوميكالىق شەكتەۋلەر قويعان. ال ماۋسىم ايىنىڭ سوڭىندا پۋتين تۇركيامەن ەكى ەل اراسىندا ساۋدا- ەكونوميكالىق قاتىناس قايتا قالپىنا كەلە باستاعانىن مالىمدەگەن بولاتىن.
