قاراعاندى وبلىسىندا جەمقورلىق دەندەگەن ءۇش قالا اتالدى
بۇل تۋرالى سىبايلاس جەمقورلىققا قارسى ءىس-قيمىلدار ۇلتتىق بيۋروسىنىڭ باسپا ءسوز قىزمەتىنەن حابارلاندى.
«2015-جىلدىڭ قورىتىندىسى مەن 2016-جىلدىڭ 6 ايىنىڭ قورىتىندىسى بويىنشا جەمقورلىق ارەكەتتەر كوپ تاراعان ۇشتىكتىڭ قاتارىنا قاراعاندى، بالقاش جانە جەزقازعان ەندى. جەمقورلىققا بايلانىستى بارلىق قىلمىستىڭ %60 جۋىعى اتالعان قالالارعا تيەسىلى. كەڭ تاراعانى: پارا الۋ، قىزمەتتىك بابىن اسىرا پايدالانۋ جانە بيۋدجەت قاراجاتىن جىمقىرۋ»، - دەلىنگەن جەمقورلىققا قارسى ۆەدومستۆونىڭ حابارلاماسىندا.
بۇرىن حابارلانعانداي، قاراعاندىعا ق ر سىبايلاس جەمقورلىققا قارسى ءىس-قيمىلدار ۇلتتىق بيۋرو ءتوراعاسىنىڭ ورىنباسارى اليك شپەكبايەۆ باردى. وبلىستىق اكىمدىكتە ونىڭ قاتىسۋىمەن كەڭەيتىلگەن وتىرىس ءوتتى.
ق ر سىبايلاس جەمقورلىققا قارسى ءىس-قيمىلدار ۇلتتىق بيۋرو ءتوراعاسىنىڭ ورىنباسارى جەمقورلىققا قارسى زاڭنامانىڭ جاڭا ەرەجەلەرىمەن تانىستىردى، سىيلىق الۋ بويىنشا نورمالاردى ءتۇسىندىردى. ۆيدەو كونفەرەنتس- بايلانىس ارقىلى دارىسكە وبلىستىڭ قالالارى مەن اۋداندارى قوسىلدى. ءدارىستى شامامەن 500 ادام تىڭدادى.
سونىمەن قاتار، جيىلعاندارعا جەمقور-ارىپتەستەرى جايلى، سولاردىڭ ىشىندە ەلدىڭ ەكس-پرەمەر-ءمينيسترى سەرىك احمەتوۆتىڭ جانە قاراعاندى وبلىسىنىڭ وزگە دە جوعارى لاۋازىمدى شەنەۋنىكتەرىنىڭ ءىسى بويىنشا ۆيدەو روليكتەر كورسەتىلدى. كەيىن جەمقورلىق ءۇشىن جازاسىن وتەپ جاتقان قاراعاندىلىقتار ەكراننان ءسوز سويلەدى.
«قۇقىقتىق ستاتيستيكا اقپاراتىنشا، وبلىستا جەمقورلىق كەڭ ەتەك جايعاندار: ءبىلىم بەرۋ، قۇرىلىس جانە ت ك ش، دەنساۋلىق ساقتاۋ جانە الەۋمەتتىك دامۋ سالالارى بولىپ وتىر»، - دەلىنگەن حابارلامادا.
ا. شپەكبايەۆ وڭىردە جەمقورلىقتىڭ كەز كەلگەن تۇرىنە ابسوليۋتتى توزىمسىزدىك جاعدايىن قالىپتاستىرۋ كەرەكتىگىن ايتتى. ول جەمقورلىققا قارسى «1424» call-ورتالىعى جۇمىس ىستەيتىنىن ەسكە سالدى.
