استانادا بولعان اتىستان جارالانعان ەكى ادام اۋرۋحاناعا ءتۇستى

بۇل تۋرالى بۇگىن «قازاقپارات» اگەنتتىگىنە استانا قالاسى ءى ءى د باسپا ءسوز قىزمەتى حابارلادى.

«استانادا 17 - شىلدە، تاڭعى ساعات 08:00 شاماسىندا «Rixos»  قوناقۇيى ماڭىندا ورىن العان اتىس نەگىزىندە، ق ر ق ك- نىڭ 293 - بابى 3-بولىگى - بۇزاقىلىق جانە ق ر ق ك- ءنىڭ 287 - بابى 2-بولىگى - اتىس قارۋىن زاڭسىز ساتىپ الۋ جانە ساقتاۋ باپتارى بويىنشا ەكى قىلمىستىق ءىس قوزعالدى» ، - دەلىنگەن حابارلامادا.

 سوت الدىنداعى انىقتاۋ شارالارىندا بەلگىلى بولعانىنداي، ءدامحانا كليەنتتەرىنىڭ اراسىنداعى اتىس ەكەۋارا كيكىلجىڭنەن تۋىنداعان. ناتيجەسىندە زارداپ شەككەن ەكى ادام استانا قالاسىنىڭ مەديتسينالىق مەكەمەلەرىنە جەتكىزىلدى.

تەرگەۋ بارىسىندا ۋاقىتشا ۇستاۋ يزولياتورىنا وقيعانىڭ ەكى قاتىسۋىشىسى - 25 جانە 29 جاستاعى ەكى جىگىت قامالدى.

قىلمىستىق ءىس بويىنشا ءتيىستى ساراپتامالار تاعايىندالدى.  قازىر سوت الدىنداعى تەرگەۋ جۇمىستارى جالعاسۋدا.

  اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى