عالامتوردا الماتى كوشەسىندە قولىنا اۆتومات ۇستاپ جۇرگەن ادامعا قاتىستى كەسكىن جاريالاندى

وندا ەر ادام قولىنا اۆتومات ۇستاپ الماتى قالاسىنىڭ اباي داڭعىلى بويىندا كەزىپ جۇرگەن.

ۆيدەو تىركەۋىشتىڭ ۋاقىتى ساعات 10:57 كورسەتكەن. جۇرگىزۋشى ۆيدەورەگيستراتورعا تۇسىرگەن جەر - بۇگىن اتىس بولعان ورىنداردىڭ ءبىرى - اباي جانە بايزاقوۆ كوشەلەرىنىڭ قيىلىسىنداعى ۇ ق ك د عيماراتىنىڭ جانىندا.

ەسكە سالا كەتسەك، بۇگىن بەلگىسىز بىرەۋلەر الماتىنىڭ بىرنەشە اۋدانىندا وق اتقان - قازىر قالادا ۇ ق ك د عيماراتى، ابىلايحان كوشەسى تولىعىمەن جانە اباي داڭعىلى قورشاۋعا الىندى.

قارۋلى قاقتىعىس ناتيجەسىندە 7 پوليتسيا قىزمەتكەرى اۋرۋحاناعا ءتۇستى. جەدەل جاردەم اۋرۋحاناسى كەزەكشى ءبولىمىنىڭ حابارلاۋىنشا، وق جاراقاتىمەن اۋرۋحاناعا 5 ءتارتىپ ساقشىسى تۇسكەن. تاعى ەكەۋى قالانىڭ وزگە اۋرۋحاناسىنا تۇسكەن. قالالىق ءى ءى د اقپاراتى بويىنشا، پوليتسيا قىزمەتكەرلەرى اراسىندا كوز جۇمعاندار بار، ءبىراق ناقتى سانى انىقتالعان جوق.

شابۋىلشىلاردىڭ ءبىرى قۇرىقتالدى، تاعى ءبىرى - ىزدەۋدە. قالاعا «ۇستاۋ» ارنايى جوسپارى ەنگىزىلدى. سونداي-اق، تەرروريستىك قاۋىپتىلىكتىڭ «قىزىل دەڭگەيى» جاريالاندى.

ساعات 12:20 دا الماتى قالاسىنىڭ اۋماعىندا تەرروريستىك قاۋىپتىلىكتىڭ «قىزىل» دەڭگەيى بەلگىلەندى. بۇل تۋرالى قالالىق ءى ءى د باسپا ءسوز قىزمەتى حابارلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى