الماتىداعى وقيعاعا بايلانىستى قازاقستان تەلەارنالارى شۇعىل شىعارىلىمدار بەرىپ وتىرماق

بۇل تۋرالى قازاقستان رەسپۋبليكاسىنىڭ اقپارات جانە كوممۋنيكاتسيالار مينيسترلىگىنىڭ رەسمي وكىلى ارسەن بەكتاسوۆ پەن «ك ت ك» تەلەارناسى الەۋمەتتىك جەلىدەگى رەسمي پاراقشاسىندا ءمالىم ەتتى.

«بۇگىن، 18- شىلدەدە الماتى قالاسىندا ورىن الىپ جاتقان وقيعالارعا قاتىستى سوڭعى جاڭالىقتار ك ت ك ارناسىنان ساعات 15:00 دە جانە كۇنى بويى شۇعىل شىعارىلىمدار بەرىلەدى»، - دەلىنگەن تەلەارنا حابارلاماسىندا.

ال، بۇعان دەيىن حابارلاعانىمىزداي، قازاقستاننىڭ باستى تەلەارنالارى تەحنيكالىق پروفيلاكتيكاعا بايلانىستى، بۇگىن اقپارات تاراتپاعان ەدى. دەگەنمەن، ا. بەكتاسوۆ حابارلاعانداي، 24- تەلەارناسى شۇعىل حابار تاراتۋعا كىرىسەدى.

«قازىر مينيسترلىك 24- تەلەارناسىن تەز ارادا ەفيرگە قوسۋ شاراسىن قولعا الدى. قالعان تەلەارنالار ساعات 17.00 گە دەيىنگى پروفيلاكتيكالىق شاراعا بايلانىستى، ازىرگە جۇمىس ىستەپ تۇرعان جوق»، - دەدى ا. بەكتاسوۆ.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى