الماتى جەدەل جاردەم اۋرۋحاناسىنا تۇسكەن جارالىلار سانى بەسەۋدەن استى
«قازىرگى ۋاقىتتا جاراقات العاندار سانى بەستەن اسادى، ءالى دە زارداپ شەگۋشىلەر ءتۇسىپ جاتىر. ناقتى سانىن ءدوپ باسىپ ايتۋ قيىن» ، - دەپ حابارلادى الماتى جەدەل جاردەم اۋرۋحاناسى.
دارىگەرلەر مەن اۋرۋحانا قىزمەتكەرلەرى كۇشەيتىلگەن رەجيمدە جۇمىس ىستەۋدە.
الدىڭعى اقپاراتتاردا الماتىنىڭ بىرنەشە اۋدانىندا بەلگىسىز بىرەۋلەردىڭ وق جاۋدىرعانى حابارلانعان ەدى. ابىلايحان كوشەسى، اباي داڭعىلى جانە ۇ ق ك ك عيماراتى قورشاۋعا الىندى.
كۋاگەرلەردىڭ ايتۋىنشا، پوليسيا قىزمەتكەرلەرى مەن بەلگىسىز بىرەۋلەردىڭ اراسىندا قارۋلى قاقتىعىس بولعان. الدىن الا دەرەكتەر بويىنشا، پوليسيا اراسىندا جاراقات العاندار بار.
جاعداي تۇراقتالعانشا، قارۋ دۇكەندەرى ءوز جۇمىسىن ۋاقىتشا توقتاتتى.
