تۇركياداعى قازاقستاندىق تۋريستەرگە ەش قاۋىپ ءتونىپ وتىرعان جوق - تۇركيا ەلشىسى

بۇل تۋرالى تۇركيانىڭ قازاقستانداعى توتەنشە جانە وكىلەتتى ەلشىسى نەۆزات ۋيانىك ءمالىم ەتتى.

«ءبىزدىڭ ەلدە دەمالىپ جاتقان تۋريستەرگە ەش قاۋىپ جوق. 16-شىلدە كۇنى جاعداي تۇراقتالعان بولاتىن. كەشەدەن بەرى ازاماتتىق ۇشاقتاردىڭ رەيستەرى قالپىنا كەلتىرىلدى»، - دەپ اتاپ ءوتتى ەلشى بۇگىن استانادا وتكەن باسپا ءسوز ءماسليحاتىندا.

ايتا كەتەيىك، 15-شىلدە كۇنى ستامبۇلدا اسكەري بۇلىك ورىن الىپ، 190 نان استام بەيبىت ازامات قازا تاپتى. قازىرگى ۋاقىتتا 6 مىڭنان استام بۇلىكشى ۇستالدى، بۇلىك بارىسىندا 100 گە جۋىعى ءولتىرىلدى.

16-شىلدەدەگى جاعداي بويىنشا، ق ر س ءى م تاراتقان مالىمەتتەرگە سايكەس، تۇركيادا 2,5 مىڭ قازاقستاندىق ازامات بار. ولاردىڭ 1 مىڭعا جۋىعى قازاقستانعا قايتىپ ورالۋى ءتيىس.

 اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى