تۇرىك بيلىگى ىستامبۇلداعى قاۋىپسىزدىك شارالارىن كۇشەيتۋدى جالعاستىرۋدا

قالاعا قوسىمشا ارنايى كۇشتەر اكەلىندى، پوليتسيا تۇتقيىلدان كەلەتىن شابۋىلعا تويتارىس بەرۋگە دايىندالۋدا، دەپ حابارلايدى ر ب ك.

Anadolu اقپاراتتىق اگەنتتىگى حابارلاعانداي، ىستامبۇلدىق پوليتسيا باسشىسى مۇستافا كاليسكان قالا ۇستىندە پايدا بولعان كەز كەلگەن تىكۇشاقتى ەسكەرتۋسىز اتىپ تۇسىرۋگە بۇيرىق بەردى. بيلىك مەملەكەتتىك توڭكەرىس جاساعىسى كەلگەن بۇلىكشىلەردە اۋە تەحنيكاسى بار دەپ قاۋىپتەنىپ وتىرعان سەكىلدى.

سونداي-اق، بيلىك ىستامبۇلعا كورشىلەس ايماقتاردان 1800 ارنايى پوليتسيا كۇشتەرىن الدىرعان. ولاردى ستراتەگيالىق ماڭىزى بار كوشەلەر مەن نىساندارعا ورنالاستىردى.

تۇركيادا مەملەكەتتىك توڭكەرىس جاساۋ بۇلىكشىلەردىڭ بوسفور وزەنىندەگى كوپىردى جابۋىمەن باستالدى. بىرنەشە ساعات بويى سوندا بولىپ، تەك 16 -شىلدە كۇنى تاڭعى ۋاقىتتا جاۋىنگەرلەر رەجەپ ەردوعان جاقتاستارىنا بەرىلە باستاعان.

الدىن الا تەرگەۋ جۇمىستارى انىقتاعانداي، توڭكەرىس جاساۋعا تىرىسقان جەتەكشىلەر اراسىندا اسكەري اۋە كۇشتەرى وفيتسەرلەرى، سونىڭ ىشىندە تۇرىك اۆياتسياسىنىڭ بۇرىنعى كومانديرى اكىن وزتيۋرك بولعان. سول سەبەپتى، انكاراداعى بيلىك نىساندارىن اۋەدەن اتقىلاعان ۇشاقتار مەن تىكۇشاقتاردى بۇلىكشىلەر ەركىن يەلەنگەن. بيلىكتەگى پرەزيدەنتكە ادال، كومانديرگە باعىنعان سىناقشىلار كەم دەگەندە ەكى تىكۇشاقتى اتىپ تۇسىرگەن.

16 -شىلدە كۇنى تۇركيا بيلىگى بۇلىكشىلەردە بىرنەشە تىكۇشاق بار ەكەنىن مالىمدەدى. بۇلىكشى تىكۇشاقتارىنىڭ ءبىرى گرەكياعا قونىپ، ونداعى جاۋىنگەرلەر جەرگىلىكتى بيلىككە بەرىلگەن جانە ساياسي باسساۋعا سۇراعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى