تۇركيانىڭ پرەمەر-ءمينيسترى ەلىنىڭ قازىرگى جاعدايى تۋرالى ايتىپ بەردى
«اسكەري توڭكەرىس ارەكەتىنە نۇكتە قويىلدى. ونىڭ ءساتتى بولۋىنا ەش مۇمكىندىك جوق ەدى. ءبىزدىڭ ەل قايتادان قالىپتى ءومىر كەشىپ جاتىر. بۇل ءبىزدىڭ ەل ءۇشىن عانا ەمەس، الەمدىك دەموكراتيا ءۇشىن دە ۇلكەن وقيعا. بارلىق مەملەكەتتىك ورگاندار، بانكتەر كۇندەلىكتى رەجىمدە جۇمىس ىستەپ تۇر»، - دەدى جەكسەنبى كۇنى تۇركيانىڭ پرەمەر-ءمينيسترى بينالي يىلدىرىم جۋرناليستەرگە.
ەستەرىڭىزگە سالا كەتەيىك، 15 -شىلدە كۇنى كەشكە تۇركيادا اسكەري توڭكەرىس ارەكەتى بولدى. ءبىراق ول ىسكە اسپاي قالدى.
وقيعا كەزىندە قازا تاپقاندار سانى 265 كە جەتتى. 104 بۇلىكشى ولتىرىلگەن، قالعان قۇربانداردىڭ ءبارى - بەيبىت تۇرعىندار. ونىڭ 20 سى بۇلىكشىلەر جاعىندا بولعان. جارالانعاندار سانى - 1500 دەي.
بۇلىكتەن كەيىن 2389 ادام تۇتقىندالدى. سونداي-اق، ءار ءتۇرلى دارەجەدەگى 2745 سۋديا جۇمىستان بوساتىلدى. ولاردىڭ قاتارىندا ەلدىڭ جوعارعى سوتىنىڭ سۋدياسى الپارسلان التان دا بار.
