تۇركيا اسكەري توڭكەرىس ارەكەتىنەن كەيىن ءولىم جازاسىن قايتادان ەنگىزۋ ماسەلەسىن قارايدى
بۇل تۋرالى Habertürk تەلەارناسىنىڭ ەفيرىندە تۇركيا پرەمەر-ءمينيسترى بينالي يىلدىرىم ءمالىم ەتتى، دەپ حابارلايدى ت ا س س اگەنتتىگى.
تۇركيا پرەمەر-ءمينيسترى ءمالىم ەتكەندەي، يسلام ۋاعىزشىسى فەتحۋللاح گيۋلەندى قولدايتىن مەملەكەتتەر تۇركيانىڭ جاۋى سانالادى.
ەلدىڭ ادىلەت ءمينيسترى بەكير بوزداگ توڭكەرىس جاساۋ ارەكەتىنىڭ باسىندا 1990-جىلدىڭ سوڭىنان بەرى ا ق ش- تا تۇرىپ جاتقان ۋاعىزشى ف. گيۋلەن تۇرعانىن ايتقان. الايدا، گيۋلەننىڭ جاقتاستارى بۇل وقيعاعا ونىڭ ەشقانداي قاتىسى جوق ەكەنىن اتاپ وتكەن.
تۇركيادا مەملەكەتتىك توڭكەرىس ارەكەتى 15- شىلدە، جۇما كۇنى باستالعان بولاتىن. توڭكەرىستى ءبىر توپ اسكەريلەر ۇيىمداستىرعان.
تۇركيا 2002-جىلدان بەرى ءولىم جازاسىن الىپ تاستاعان. سول ۋاقىتقا دەيىن وتە اۋىر قىلمىس جاساعانداردى بۇل ەلدە اسىپ ولتىرگەن.
اۆتور: كەنجەكەي توقتامۇرات قىزى
