قازىر تۇركياداعى جاعدايدى تولىققاندى باعالاۋ مۇمكىن ەمەس - قازاقستاندىق كۋاگەر

ول ىستامبۇل ۋنيۆەرسيتەتىندە 3 جىلدان بەرى تۇركولوگيا ماماندىعى بويىنشا دوكتورانتۋرادا وقيدى.

ونىڭ ايتۋىنشا، كەشەگى وقيعالار باستالعان كەز جەرگىلىكتى ۋاقىتپەن كەشكى ساعات 20-21 شاماسى. باستاپقىدا اۋەدە اسكەري ۇشاقتار مەن تىكۇشاقتاردىڭ ۇشۋى جيىلەپ كەتكەن. الايدا ول بۇل اسكەري وقۋ- جاتتىعۋ شىعار دەپ ءمان بەرمەگەن. تۇنگى 23 تەر شاماسىندا ب ا ق جاڭالىقتارىنان سوڭ عانا ەلدە اسكەري توڭكەرىستىڭ باستالعانى بەلگىلى بولعان.

«قازىر دۇربەلەڭ ءبىرشاما سايابىرسىدى. ۇكىمەتكە قولداۋ بىلدىرۋشىلەر تۇركيانىڭ تۋىن ۇستاپ ورتالىقتاعى الاڭدارعا اتتاندى، سول جەردە جاقتاستارىمەن بيلىككە قولداۋ كورسەتۋدە. ولاردىڭ قاتارىندا تۇركيالىق بايىرعى تۇرعىن قازاقتار دا بار»، دەيدى ن. ءىلياس.

ءبىرقاتار اقپارات اگەنتتىكتەر وسى ۋاقىتتا تۇركيادا الەۋمەتتىك جەلىلەردىڭ جۇمىسى شەكتەلدى دەپ جاريا ەتكەن. الايدا ىستامبۇلدا ينتەرنەت جىلدامدىعى تومەندەگەنىمەن وشپەگەن، كەيىن تاڭعا قاراي ونىڭ جىلدامدىعى قالپىنا كەلگەن.

ءبىر-ەكى ساعات بۇرىن تەلەارنالار جۇمىسى بەلسەندىرەك بولىپ، ب ا ق وقيعا ورىندارىنان اقپاراتتار، بەينەكورىلىمدەر بەرە باستاعان. اقپاراتتىڭ كوپتىگى، ءارى سانالۋاندىعى ناقتى وقيعانى تولىققاندى باعالاۋعا مۇمكىندىك بەرمەي وتىر، دەيدى نۇرات ءىلياس.

 ول كورىپ- بىلگەندەرىن فەيسبۋكتەگى پاراقشاسىندا جاريالاپ وتىردى.

© سۋرەت نۇرات ءىلياستىڭ پاراقشاسىنان الىندى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى