بالا سۇندەتتەۋدى پاتەنتتەپ الدى

«قازاقتىڭ ەجەلدەن كەلە جاتقان ءداستۇرى - بالا سۇندەتتەۋ بۇگىنگە دەيىن پاتەنتتەلمەگەن ەكەن. سونى جاقىندا ۇلىم - ادىلەت ەرنازاروۆقا زاڭداستىرىپ بەردىم. بۇل ءىستى جۇزەگە اسىرۋ ءۇشىن ول يزرايلگە بارىپ، بىلىكتىلىگىن ارتتىرىپ كەلدى. زاڭداستىرۋ ارقىلى قازاقتىڭ ءداستۇرىن وزگەلەردىڭ يەمدەنۋىنە جول بەرمەدىك دەپ ويلايمىن. ول ءۇشىن ءبىز ەشكىمنەن ەشنارسە المايمىز. ءبىراق الداعى ۋاقىتتا مەديتسينادا بالا سۇندەتتەۋ ادىلەت ەرنازاروۆتىڭ ءتاسىلى دەپ اتالادى. بۇل مەديتسينادا بۇرىننان بار ءادىس»، - دەدى ازىرەت ەرنازاروۆ.

Ihsan.kz سايتىنىڭ حابارلاۋىنشا، يزرايلدە دە بالالاردى سۇندەتكە وتىرعىزادى ەكەن. ايتا كەتەرلىگى، بۇل ءىستى ءسابي تۋىلعاننان كەيىن ءۇش كۇننىڭ ىشىندە جۇزەگە اسىرادى. ال ءسابي جىلاماس ءۇشىن ەمىزىكتى شاراپقا باتىرىپ ەمىزىپ، شاقالاقتى ۇيىقتاتىپ تاستايدى.

بۇگىندە مەديتسينا كۇن ساناپ دامىپ كەلەدى. سايكەسىنشە، بالا سۇندەتتەۋدىڭ ادىستەرى دە جاڭارۋدا. قازىر جۇرتشىلىق لازەرمەن كەسۋ دەگەن كۇيدىرۋ تاسىلىمەن جاساپ ءجۇر. بۇدان ەش قان شىقپايدى، بالا دا اۋىرعاندى سەزبەيدى.

ايان ءابدۋالي

egemen.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى