رونالدۋ مەن مەسسي ءبىر-بىرىنەن ونداعان مەتر قاشىقتىقتا دەمالىپ جاتىر - فوتو
بۇل تۋرالى isport.ua حابارلايدى.
جەلىدە بۇعان مەسسيدىڭ يبيتسادا ياحتادا دەمالىپ جۇرگەن سۋرەتتەرى جاريالانعان ەدى.
اۋىر ءارى تابىستى اياقتالعان ەۆروپا چەمپيوناتىنان سوڭ رونالدۋ دا وتباسىمەن بىرگە اتالمىش تەڭىزگە تارتىپ وتىرىپتى. قازىرگى تاڭدا ەكى فۋتبولشى ءبىر- بىرىنەن نەبارى ونداعان مەتر قاشىقتىقتا عانا ءجۇر ەكەن. ولار بوتوفوچ دەپ اتالاتىن ءبىر ايلاقتا دەمالۋدا.
مەسسي دە يسپانيا چەمپيوناتى جانە امەريكا كۋبوگىنان كەيىن دەمالىسىن وتباسىمەن وتكىزىپ جاتىر. ارگەنتينا قۇراماسى امەريكا كۋبوگىنىڭ فينالىندا چيليدەن ۇتىلىپ، مەسسي ۇلتتىق قۇرامادان كەتۋ تۋرالى شەشىم قابىلداعان بولاتىن. كەيىنىرەك فۋتبولشى باستاپقى رايىنان قايتىپ، ەل قۇراماسى ساپىندا ونەر كورسەتۋدى جالعاستىراتىنىن ايتتى.
مەسسي ءوز مانسابىندا بەس مارتە الەمنىڭ ۇزدىك فۋتبولشىسى اتاعىن جەڭىپ الدى. ال مۇنداي ماراپاتتى رونالدۋ ءۇش رەت يەلەنگەن. جاسىل الاڭدا قوس مىقتى ءبىر- بىرىنە باسەكەلەس سانالادى.
Stan.kz
