ەلىمىزدە العاش رەت كونە زاماننىڭ اعاش كۇيمەسى تابىلدى

عالىمدار: «بۇل جادىگەرلەر قيماق داۋىرىنە، ياعني 9-10 -عاسىرلارعا تيەسىلى»، - دەپ بولجاۋدا. قۋانتارلىعى، كونە قورىم تونالماعان. سول سەبەپتى اعاشتان جاسالعان كۇيمە تۇتاس كۇيىندە ساقتالىپتى.

ايتا كەتۋ كەرەك، مۇنداي ارتەفاكتىلەر قازاق جەرىندە بۇرىن- سوڭدى كەزدەسپەگەن. ارحەولوگتار جادىگەر سىنىپ قالماس ءۇشىن اربانى توپىراعىمەن بىرگە قازىپ الىپ كەلگەن. كۇيمەنىڭ ۇزىندىعى - ەكى مەتر، سالماعى - 1 توننا شاماسىندا.

قازىر بىرەگەي جادىگەردى زەرتتەۋ ءۇشىن پاۆلودارعا الماتىدان تانىمال رەستاۆراتور قىرىم التىنبەكوۆ باستاعان ءبىر توپ مامان كەلدى. عالىمداردىڭ ايتۋلارىنشا، بۇل ولجا قيماق قاعاناتىنىڭ ەرتىس وڭىرىندە شوعىرلانعانىن تاعى ءبىر ايعاقتايدى. سوندىقتان عىلىمي قۇندىلىعى اسا جوعارى.

«ءبىز ات ارباسىن تاپقان بولاتىنبىز. سول ات اربا ءبىزدىڭ داۋىرىمىزدە، ءبىزدىڭ وڭىرىمىزدە تابىلماعان. سونى، مىنە، زەرتتەپ، ونى ساقتاپ قالۋ ءۇشىن ءبىز جاڭا مەتوديكانى ەنگىزدىك. بلوكپەن الىپ كەلىپ، ونى لابوراتوريالىق تۇرعىدان زەرتتەيتىن بولامىز. بۇل جادىگەر ەرتىس وڭىرىندە ەمەس، سونىمەن قاتار قازاقستاندا دا تابىلماعان. قازىر ونى ءبىز رەستوۆراتورلارمەن زەرتتەيتىن بولامىز»، - دەيدى عىلىمي قىزمەتكەر تالعات ايلىبايەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى