اتى-ءجونىن وزگەرتىپ العان قىلمىسكەردى اقمولالىق پوليتسەيلەر شەشەنستاندا قولعا ءتۇسىردى
ولاردىڭ بەسەۋى اسا اۋىر قىلمىس جاساعان. بۇل تۋرالى اقمولا وبلىستىق ءى ءى د- نىڭ باسپا ءسوز قىزمەتى حابارلادى.
مىسالى، شورتاندى اۋداندىق ءى ءى ب قىزمەتكەرلەرى قىرعىز رەسپۋبليكاسىنىڭ اۋماعىندا كىسى ولتىرگەنى ءۇشىن 9 جىلدان بەرى ىزدەستىرۋدە بولعان قىلمىسكەردى ۇستادى. جەدەل ۋاكىلدەردىڭ ايتۋىنشا، 2007 -جىلدىڭ 26 -قاراشاسىندا جولىمبەت كەنتىندە ىشىمدىك ءىشۋ بارىسىندا ول تانىسىن پىشاقتاپ ءولتىرىپ، دەنەسىن اۋىل سىرتىنا الىپ شىعىپ، بەنزين قۇيىپ ورتەپ جىبەرگەن. جازادان باسساۋعالاپ ول ەل اۋماعىنان كەتىپ قالعان. وسى ۋاقىت ارالىعىندا ءتارتىپ ساقشىلارى ونى ىزدەستىرۋدى توقتاتپادى. ونىڭ ەرەكشەلىكتەرى كورسەتىلگەن قۇجاتتار كورشى ەلدەردىڭ ىشكى ىستەر ورگاندارىنا جىبەرىلدى. وسى شارا قىلمىسكەردى تابۋعا سەپتىگىن تيگىزدى. شورتاندى اۋداندىق ىشىكى ىستەر بولىمىنە كورشى قىرعىز رەسپۋبليكاسىنىڭ پوليتسياسىنان كۇدىكتى سول ەل اۋماعىندا جۇرگەنى جونىندە حابار كەلىپ جەتكەن. پوليتسيا قىزمەتكەرلەرى بىردەن بىشكەك قالاسىنا قىلمىسكەردى قۇرىقتاۋ ءۇشىن اتتاندى.
تاعى دا ءبىر اۋىر دەنە جاراقاتىن سالعانى ءۇشىن ىزدەۋدە بولعان قىلمىسكەر رەسەي اۋماعىندا قولعا ءتۇستى. 36 جاستاعى ەر ادام 9 جىلدان بەرى ىزدەستىرىلگەن. 2007 -جىلى ول اتباسار قالاسىنداعى ءدامحانالاردىڭ بىرىندە بولعان شاعىندا، جىگىتتەرمەن توبەلەسىپ قالعان، ول قارسىلاسىن تاياقپەن بىرنەشە مارتە ۇرعان. قىلمىس جاساعان ول جاۋاپكەرشىلىكتەن قاشىپ، شەشەن رەسپۋبليكاسىندا تىعىلىپ جۇرگەن. وسى ۋاقىتتا ول تەگىن شەشەسىنىڭ تەگىنە اۋىستىرىپ، اكەسىنىڭ اتىنداعى ءبىر ءارىپتى وزگەرتكىزىپ العان. الايدا بۇل وعان جازادان قاشىپ قۇتىلۋعا كومەكتەسپەدى.
اقمولا وبلىستىق ءى ءى د- ندە ارنايى ىزدەستىرۋ توبى قۇرىلدى، ونىڭ قۇرامىنا تاجىريبەلى ىزدەستىرۋشىلەر ەندى، ولار رەسەي اۋماعىنداعى قىلمىسكەرلەردى ۇستاۋمەن اينالىستى. رەسەيلىك ارىپتەستەرىمەن بىرگە بارلىق دەرەكتەر قورى تەكسەرىلىپ، سول ارقىلى بىرنەشە مارتە كورشى ەلدىڭ اۋماعىندا زاڭ بۇزعان قىلمىسكەردىڭ مەكەن-جايى انىقتالدى.
پوليتسيا قىزمەتكەرلەرى بارلىعى 42 قىلمىسكەردى ۇستادى، ونىڭ ىشىندە 15 ى اۋىر قىلمىس جاساعان. مەملەكەت ارالىق قىلمىستىق ىزدەستىرۋگە كەلسەك، قىرعىز رەسپۋبليكاسىنان 2 قىلمىسكەر، ينگۋشەتيا رەسپۋبليكاسىنان 2 قىلمىسكەر، رەسەي فەدەراتسياسى اۋماعىنان 4 قىلمىسكەر انىقتالىپ، ۇستالدى.
