استاناداعى سىبايلاس جەمقورلىق جايلاعان قۇرىلىمدار اتالدى
وعان قالالىق ءماسليحات دەپۋتاتتارى، اكىمدىكتىڭ باسقارما جانە كوممۋنالدىق كاسىپورىن جەتەكشىلەرى، مەكتەپ، كوللەدج، بالاباقشا ديرەكتورلارى قاتىستى.
استانا اكىمىنىڭ ورىنباسارى اندرەي لۋكين جەرگىلىكتى اتقارۋ ورگاندارىندا سىبايلاس جەمقورلىققا قارسى جۇمىستار ءجۇرىپ جاتقانىن ايتتى. اكىمدىك قۇرىلىمىنىڭ جەمقورلىق جاعدايى جايلى سىبايلاس جەمقورلىققا قارسى ۇلتتىق بيۋرو ءتوراعاسىنىڭ ورىنباسارى اليك شىپەكبايەۆ اڭگىمەلەدى.
«قۇقىقتىق ستاتيستيكا مالىمەتتەرىنە سۇيەنسەك، ىشكى ىستەر ورگاندارى، ونىڭ ىشىندە جەرگىلىكتى پوليتسيا قىزمەتتەرى، سونداي-اق مەملەكەتتىك كىرىس ورگاندارى ەڭ جەمقور استانالىق قۇرىلىم بولىپ سانالادى. مەكتەپكە دەيىنگى جانە مەكتەپتە ءبىلىم بەرۋ سالالارىندا دا جەمقورلىق جالعاسۋدا»، - دەپ جازىلعان حابارلامادا.
استاناداعى سىبايلاس جەمقورلىق قىلمىستارىنىڭ ەڭ كوپ تاراعان ءتۇرى ءوز قىزمەتىن اسىرا پايدالانۋ، الاياقتىق جانە پارا الۋ ەكەن.
