قىرعىز ساراپشىسى ەكسترەميزممەن كۇرەس جونىندەگى قازاقستاندىق تاجىريبەنى ەنگىزۋدى ۇسىندى
«ارباۋشىلار (ءدىني-ەكسترەميستىك ۇيىمنىڭ - رەد. قازاقپارات) الەۋمەتتىك جاعدايى تومەن ازاماتتاردى عانا ەمەس، ءبىلىمدى جانە قىزمەت جاساپ جۇرگەن جاستاردى دا ءوز قاتارلارىنا تارتۋمەن اينالىسىپ كەلە جاتقانىن تاجىريبە كورسەتىپ وتىر. ءبىزدىڭ ەلىمىز قول قۋسىرىپ قاراپ وتىر دەگىم كەلمەيدى. جۇمىستار جۇرگىزىلىپ جاتىر، ءبىراق سوندا دا ءدىني ەكسترەميزمنىڭ الدىن الۋ شارالارىن كۇشەيتۋ قاجەت. مىسال رەتىندە كورشى قازاقستاننىڭ تاجىريبەسىن الۋعا بولادى، 2013-جىلى ق ر پرەزيدەنتىنىڭ جارلىعىمەن ءىس جۇزىندە جاستار اراسىنداعى وزەكتى ماسەلەلەردى شەشىپ، ەكسترەميستىك يدەولوگيانىڭ راديكالدى يدەيالارىنا بوي الدىرۋعا جول بەرمەيتىن انتيتەرروريستىك كومميسسيا قۇرىلدى»، - دەدى قاۋىپسىزدىك بويىنشا ساراپشى ن. الاپايەۆا.
قىرعىز ساراپشىلارى وعان قازاقستاندىق تاجىريبەنى قىرعىزستان جاعدايىندا قولدانۋ مۇمكىندىگى تۋرالى ءبىرقاتار سۇراقتار قويدى.
