ورالدا جاڭا كاتەر سۋعا ءتۇسىرىلدى - فوتو

بۇل - «قازاقستان ينجينيرينگ» ۇ ك» ا ق قۇرامىنا كىرەتىن اتالمىش زاۋىتتا تاۋەلسىزدىكتىڭ 25 جىلدىعى قارساڭىندا قۇراستىرىلعان 25- كەمە. كاتەردىڭ ۇزىندىعى - 13 مەتر شاماسىندا، ەنى - 3,5 مەتر، سۋ ىعىستىرىلىمى - 12 توننا، سۋعا شوگۋى - 0,6 مەتر.

سالتاناتتى راسىمدە وبلىس اكىمىنىڭ ورىنباسارى يگور ستەكسوۆ، ق ر قارۋلى كۇشتەرى اسكەري-تەڭىز كۇشتەرى باس قولباسشىسىنىڭ ورىنباسارى، ءبىرىنشى دارەجەلى كاپيتان سەرىك بورامبايەۆ، «زەنيت» زاۋىتىنىڭ ديرەكتورى ۆياچەسلاۆ ۆاليەۆ شاراعا قاتىسۋشىلاردى قۇتتىقتاپ، جاڭا كاتەرگە ءسات ساپار تىلەدى.

مەملەكەتتىك قورعانىستىق تاپسىرىسقا سايكەس جاسالعان كاتەر كاسپي تەڭىزىنە جەتكىزىلىپ، وندا ءتيىستى سىناقتان وتەدى. پورتتىق ايماقتىڭ نىساندارىن كۇزەتىپ، سۋاستى ديۆەرسيالىق كۇشتەردەن قورعايتىن، قاجەت بولعاندا ارنايى جاساقتى تەز جەتكىزەتىن كاتەر قازىرگى زامانعى بايلانىس جانە ناۆيگاتسيا قۇرالدارىمەن قامتاماسىز ەتىلگەن. باسقا كەمەلەرگە قاراعاندا، تاياز جەرلەرمەن ءجۇزىپ، سۋ استىن زەرتتەپ، سونىمەن قاتار لاڭكەستىككە قارسى بارلاۋ جۇمىستارىن جۇرگىزە الادى. ەكيپاجى ءتورت ادامنان تۇرادى.

         

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى