اۋەجايدا جوسىقسىز قالجىڭداعان رەسەيلىك ايەل قاماۋعا الىندى
بۇل تۋرالى بەلارۋس تەرگەۋ كوميتەتىنىڭ رەسمي وكىلى يۋليا گونچاروۆا Facebook پاراقشاسىندا جاريالادى، دەپ حابارلايدى بەلتا.
«تەرگەۋ قىزمەتى پروكۋرورعا رەسەي ازاماتشاسىنىڭ بەلارۋس رەسپۋبليكاسى اۋماعىندا تۇرعىلىقتى جەرى بولماعاندىقتان، ونى قاماۋعا الۋ شاراسىن قولدانۋ تۋرالى ءوتىنىش بەردى. شارا قولدانىلدى - ازاماتشا قاماۋعا الىندى»، - دەلىنگەن حابارلامادا.
8- شىلدە كۇنى 1978-جىلى تۋعان جۇمىسسىز رەسەي ازاماتشاسى مينسك ۇلتتىق اۋەجايىنان ماسكەۋگە ۇشۋى ءتيىس بولعان. ۇشۋ الدىنداعى تەكسەرۋ پۋنكتىندە اۋە قاۋىپسىزدىگى قىزمەتىنىڭ ينسپەكتورىنا مەندە جارىلعىش زات بار دەپ قالجىڭداعان. قالجىڭ سوڭى جولاۋشىعا قاتىستى قىلمىستىق ءىس قوزعاۋمەن اياقتالدى.
