استانادا ۇزدىك اسكەريلەر انىقتالدى

بۇل تۋرالى ق ر قورعانىس مينيسترلىگىنىڭ باسپا ءسوز قىزمەتى حابارلادى.

استانادا وفيتسەرلىك ءۇش سايىس بويىنشا چەمپيوناتتا وق اتۋدا، جۇگىرۋ مەن جۇزۋدەگى ۇزدىك اسكەري قىزمەتشىلەردى انىقتادى. سايىسقا دەپارتامەنت، باس باسقارما جانە اقمولا وڭىرلىك گارنيزونى اسكەري بولىمدەرىنىڭ 12 كومانداسى قۇرامىندا 100 دەن اسا اسكەري قىزمەتشى قاتىستى.

وفيتسەرلىك ءۇش سايىس جارىستىڭ ءۇش ءتۇرىن قامتيدى. ماكاروۆ تاپانشاسىنان وق اتۋ، جۇگىرۋ جانە ءجۇزۋ. ءاربىر ءپان بەلگىلى ءبىر شەبەرلىك پەن جاقسى دەنە دايارلىعىن قاجەت ەتەدى.

جوعارى ناتيجەلەرگە قول جەتكىزۋ ءۇشىن اسكەري ءۇش سايىسشىلار جان-جاقتى دامىعان بولۋى قاجەت. وفيتسەرلىك ءۇش سايىستا ونەر كورسەتۋگە دايىندالۋ سپرينتەرلىك سۇڭگۋدى ەڭسەرۋ ءۇشىن كۇش پەن جىلدامدىقتى، شىدامدىلىق - جۇگىرۋ ءۇشىن، ال وق اتۋ دالدىك پەن مىقتى قولدى قاجەت ەتەدى.

چەمپيوناتتىڭ قورىتىندىسى بويىنشا قورعانىس مينيسترلىگى ورتالىق اپپاراتىنىڭ دەپارتامەنتتەرى اراسىندا كادرلار دەپارتامەنتىنىڭ اسكەري قىزمەتشىلەرى جەڭىسكە جەتتى. باس باسقارمالار اراسىندا تىل باستىعى باسقارماسىنىڭ كومانداسى جەڭىمپاز اتاندى.

بۇكىل اقمولا وڭىرلىك گارنيزونى اراسىندا سايىس قورىتىندىسى بويىنشا ۇلتتىق قورعانىس ۋنيۆەرسيتەتىنىڭ اسكەري قىزمەتشىلەرى ۇزدىك اتاندى. ودان كەيىن ق ر ق م اسكەري پوليتسيا جاساعى جانە قۇرلىق اسكەرلەرى باس قولباسشىسىنىڭ باسقارماسى. اسكەري قىزمەتشىلەردىڭ ايتۋىنشا، جەڭىسكە سپورتتىق قىزىعۋشىلىق قانا ەمەس، سونىمەن بىرگە، دەنە جانە كاسىبي تۇرعىداعى ازىرلىكتى دالەلدەۋ قامشىلادى. جەڭىمپازدار وزدەرىنىڭ گارنيزونىن قارۋلى كۇشتەر اۋقىمىندا سپارتاكيادادا ۇسىناتىنى كەرەمەت ىنتالاندىرۋ بولىپ تابىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى