تورەعاليدىڭ اكەسىنە شاي قۇيعان جانبولاتتىڭ جازيراسى سىن استىندى قالدى
بۇل تۋرالى Stan.kz حابارلايدى.
جازيرا بايىربەكوۆا ءوزىنىڭ الەۋمەتتىك جەلىدەگى پاراقشاسىنا تورەعاليدىڭ اكەسىنە شاي قۇيىپ وتىرعان سۋرەتىن سالادى. سۋرەتتى كورگەن جەلى قولدانۋشىلارى ونى يىعى اشىق كويلەك كيىپ قايناعاسىنىڭ قاسىندا وتىرعانى ءۇشىن سىناپ تاستايدى.
«تورەعاليدىڭ اكەسى جانبولاتتان ءبىر-اق جاس ۇلكەن بولسا دا، ماعان قايىن اعا بولادى. كەلىنىنىڭ قولىنان ءشاي ءىشىپ وتىرعان قايناعا»، - دەيدى جازيرا بايىربەكوۆا.
باستاپقىدا جەلى قولدانۋشىلارى تورەالى ءاليحان ۇلى مەن جانبولاتتى سالىستىرادى. كوبىسى كەيىنگىسىنىڭ الدەقايدا جاس كورىنەتىندىگىن ايتادى.
ولار «ساحناعا ءار شىققاندا اكەمنىڭ الدىنا شىققانداي بولامىن دەپ ەدىڭىز. مىنا يىعى اشىق كويلەك قازاقتىڭ قىزى، شاي قۇياتىن كەلىنى ءۇشىن ۇيات قوي»، «قايىن اعاڭىزدىڭ الدىندا ەكى يىعىڭىزدى جالتىراتىپ وتىرعانىڭىز ىڭعايىسسىزداۋ ەمەس پە، جازيرا حانىم؟!»، «كەلىنجان-اۋ، ءسۇت قاتقان شاي قايدا؟! قوردالىقتار قارا شاي ىشپەيتىن ەدى عوي»، «شايدى وڭ قولمەن قۇياتىن ەدى عوي»، «ادام قايىن اعاسىنا ىرجيىپ وتىرىپ شاي قۇيا ما؟ ءوزى تۋرا قاسىنا وتىرىپ الىپتى» سىندى پىكىرلەر بىلدىرگەن.
مۇنىمەن قاتار، تورەالى مىرزانى وزىمشىلدىگى ءۇشىن سىناعان جاندار دا تابىلدى.
«تورەالى قايىن اعاڭىزدىڭ تاناۋى توبەدە، كوكىرەگى اسپاندا ەكەن. ءوز كوزىممەن كورىپ، قاتتى تاڭ قالدىم. بايلىق، اقشا، تانىمالدىلىق قاتتى وزگەرتىپتى. سونشالىقتى تاككاپپار ەكەن.
حالىق قالاي كوتەرسە، تۋرا سولاي وشىرەدى! بۇل كىسىگە ءوزىم جەكە باسىم ريزا ەمەسپىن. اللادان قورىقسىن دەگىم كەلەدى. ادامنىڭ كۇنى اداممەن، تاۋبەسىنە كەلۋى كەرەك دەپ ويلايمىن!» - دەيدى جەلى قولدانۋشىلارىنىڭ ءبىرى.
اراسىندا ءانشى مەن پروديۋسەرگە ءتىل تيگىزبەۋدى سۇراعان جاندار بار.
