كورەرمەندەرگە «قازاق ەلى» فيلمى قاشان جول تارتادى - كەسكىن

"كوپسەريالى تەليەۆيزيالىق كوركەم فيلمنىڭ ءتۇسىرىلىمى بىلتىر اياقتالدى. قازىرگى ۋاقىتتا "قازاقفيلم" كينوستۋدياسىندا "قازاق ەلى" تولىقمەتراجدى فيلمىنىڭ قوسىمشا ءتۇسىرىلىم جۇمىستارى ءجۇرىپ جاتىر. سونىمەن قاتار، ءتۇسىرىلىم توبى كينونى مونتاجداۋعا كىرىستى. كومپيۋتەرلىك گرافيكامەن دە جۇمىس باستالدى. فيلمدى وڭدەۋگە رەسپۋبليكالىق بيۋدجەتتەن   1475205 مىڭ تەڭگە ءبولىندى"، - دەلىنگەن ساۋالناماعا بەرىلگەن جاۋاپتا.

وسىعان دەيىن جوبانىڭ پروديۋسەرى ارمان اسەنوۆ سەريالدىڭ بيۋدجەتى سەناريدىڭ قىسقارتىلۋىن قوسا ەسەپتەگەندە شامامەن ەكى ميلليارد تەڭگە بولعانىن ايتقان ەدى

ايتا كەتەيىك، فيلمنىڭ ماسشتابتى تۇسىرىلىمدەرى قاراشادا شوشاناي اۋىلىندا (شونجى اۋىلىنا جاقىن جەردە) بولعان. فيلمگە 200 ادام، 150  جىلقى مەن 10 تۇيە تۇسىرىلگەن. كەيىننەن فيلمنىڭ تۇسىرىلىمدەرى قاپشاعاي مەن "قازاقفيلم" اۋماعىندا بولعان.

نازاربايەۆتىڭ باستاۋىمەن قازاق حاندىعىنىڭ 550-جىلدىعىنا "قازاق ەلى" كوركەم سەرياسىنىڭ جوباسى قولعا الىنعان بولاتىن. فيلمدە قازاق حاندىعىنىڭ قازىعىن قاققان كەرەي مەن جانىبەك تۇسىنداعى XV عاسىرداعى كوشپەندى قازاق مادەنيەتى سيپاتتالادى.

ءتۇسىرىلىم توبىنىڭ وكىلدەرىنىڭ ايتۋىنشا، فيلمدى تۇسىرۋگە دەمەۋشى بولعانداردىڭ قاراجاتى تەلەسەريالدىڭ دۋبلياجىنا، سيمفونيالىق وركەسترمەن ءان جازۋعا جانە كينو نۇسقا وڭدەۋگە جۇمسالادى. سونداي- اق، كەز كەلگەن قازاقستاندىق بۇل جوباعا سايتتاعى كراۋدفاندينگ ارقىلى كومەكتەسە الادى. قازىرگى ۋاقىتتا كورەرمەندەر   295920 101تەڭگە جينادى. اقشا جيناۋ ءالى دە جالعاسىپ جاتىر.

كارتيناداعى باستى رولدەردى ەركەبۇلان دايىروۆ (جانىبەك) ، قايرات كەمالوۆ (كەرەي) ، ايان وتەپبەرگەنوۆ (بۇرىندىق) ، مەيىرعات امانگەلدين (قاسىم) ، بەكبولات تىلەۋحان (قازتۋعان) ، دوسحان جولجاقسىنوۆ، ديماش احيموۆ، شۇعىلا ساپارعالي قىزى (كەرەيدىڭ ايەلى) ، ءمادينا يسمانوۆا (جانىبەكتىڭ ايەلى) سومدادى. 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى