كۇنكورىس قامى ءۇشىن شوشقا باققان ايەلدى ەلدەن كوشىرەيىن دەپ جاتىر
كۋرازوۆانىڭ ايتۋىنشا، ماحاللا بەلسەندىلەرى جانە ميليتسيا قىزمەتكەرلەرى وعان كوشۋ تۋرالى تالاپتار قويا باستاعان.
بۇل تۋرالى ورتالىق ازيا جاڭالىقتارى حابارلايدى.
«ولار ماعان: سەن شوشقا ۇستايسىڭ. ءبىز ساعان تىنىشتىق بەرمەيمىز، - دەپ ۇنەمى ەسكەرتەدى. مەن شوشقا اسىرايمىن، سەبەبى بۇل وتباسىما قوسىمشا كىرىس اكەلەدى. اكەم باسقا اۋىلدا تۇرادى، جاقىندا وسىندا كوشىپ كەلۋى كەرەك. ازىرگى ءبىز اۋلادا شوشقاقورا تۇرعىزىپ جاتىرمىز. ءبىز شوشقانى مەن ەس بىلگەلى اسىراپ كەلەمىز. ءبىز سونىمەن كۇنەلتەمىز. ويتكەنى وزبەكستان زاڭدارىندا شوشقا اسىراۋعا تىيىم سالاتىن ەرەجە جوق. مەن دە وزبەكستاننىڭ ازاماتىمىن عوي»، - دەيدى ۆيوللەتتا كۋرازوۆا.
اۋىل تۇرعىندارى ايەلگە تاس لاقتىرىپ، وعان ۇرساتىندى شىعارعان.
ۆيولەتتا كۋرازوۆا تۋرالى العاشقى ماقالا «وزودليك» سايتىندا 2013-جىلى قاڭتاردا پايدا بولدى. سول كەزدە جاس كەلىنشەك بالارىمەن بىرگە تاشكەنتتەگى «مۋستاكيلليك» الاڭىندا جانە پرەزيدەنت اكىمشىلىگى ماڭىندا 11 مارتە پيكەت وتكىزىپ، تارتىپ العان ءۇيىن قايتارۋدى تالاپ ەتتى.
وسى ارەكەتى ارقىلى كۋرازوۆا تالاپتارىن جارتىلاي عانا ورىنداتا الدى: تارتىپ الىنعان ءبىر ءۇيدىڭ ورنىنا جەر تەلىمى بەرىلىپ، وتباسى مۇشەلەرى قايتادان تىركەۋگە الىندى.
