ريو وليمپياداسىنىڭ ءۇمىتى: جانىبەك ءالىمحان ۇلى جاسىنداي جارقىراسا تاڭ قالماڭىز

بۇگىنگى ايتقالى وتىرعان بوكسشىمىز 2012-جىلى قازاقستان بىرىنشىلىگىندە جارىق ەتىپ كوزگە ءتۇسىپ، 2013-جىلى الماتىدا وتكەن بوكستان الەم بىرىنشىلىگىندە الەم چەمپيونى اتانعان ەڭ جاس باۋىرىمىز جانىبەك ءالىمحان ۇلى.

ايتالىق، سەرىك ساپيەۆ العاش رەت الەم چەمپيوناتىندا توپ جارعاندا 22 جاستا بولاتىن. ال بۇگىنگى الەمدى اۋىزىنا قاراتىپ جۇرگەن گەننادي گولوۆكين مەن ەردوس جاڭابەرگەنوۆ 21 جاستارىندا الەم چەمپيونى اتاندى. ال جانىبەك 20 جاسىندا الەم چەمپيونى اتاعىنا قول جەتكىزدى. ال ءبىزدىڭ بەكزات ساتتارحانوۆ باتىرىمىز وسى جانىبەكتىڭ جاسىندا وليمپيادا شىڭىن باعىندىرعان بولاتىن. بيىل جانىبەك باۋىرىمىز تۋرا 23 جاستا. ناعىز وت بولىپ جاناتىن شاعى. ريودا قازاقتىڭ بايراعىن جەلبىرەتىپ قايتادى دەگەن ۇمىتتەمىز...

جانىبەك ءالىمحان ۇلى

تۋعان كۇنى:

01.04.1993

تۋعان جەرى:

الماتى وبلىسى الاكول اۋدانىنىڭ جىلاندى اۋىلى. 8 جاسىنان باستاپ بوكسپەن شۇعىلدانادى.

بويى:

179 سانتيمەتر

سالماعى:

75 كەلى

جەتىستىكتەرى:

حالىقارالىق دارەجەدەگى سپورت شەبەرى، الماتىدا وتكەن اۋەسقوي بوكستان الەم چەمپيوناتىنىڭ جەڭىمپازى، ينچحونداعى ازيا ويىندارىنىڭ جەڭىمپازى، امماندا وتكەن بوكستان ازيا چەمپيوناتىنىڭ جەڭىمپازى.

ايتا كەتەيىك، بيىل ءبىزدىڭ جىگىتتەرىمىز وليمپيادا ويىندارىنا تۇڭعىش رەت تولىق قۇراممەن بارا جاتىر. بۇعان دەيىن ءتورتجىلدىقتىڭ باستى سىنىنا 91 كەلى سالماق دارەجەسىندە ەشبىر بوكسشىمىزعا جولداما بۇيىرماي كەلگەن بولاتىن.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى