ۇلى دالا ازاماتتارى اۆتوشەرۋىنە قاتىسۋشىلار قىزىلورداعا كەلدى - فوتو
بۇل تۋرالى قىزىلوردا وبلىسىنىڭ قورعانىس ىستەرى جونىندەگى باسپا ءسوز قىزمەتى حابارلايدى.
قالاداعى «تاعزىم الاڭىندا» جاستارعا پاتريوتتىق رۋح پەن ۇلى وتان سوعىسى جىلدارىندا وتان ءۇشىن وت كەشكەن باتىرلاردىڭ ەرەن ەڭبەگىن ۇلىقتاۋ باعىتىندا پاتريوتتىق شارا ۇيىمداستىرىلدى. اتالعان شارادا قازاقستان رەسپۋبليكاسى پارلامەنتى ءماجىلىسىنىڭ دەپۋتاتى باقىتبەك سماعۇل، «گەنەرالدار كەڭەسى» رەسپۋبليكالىق قوعامدىق بىرلەستىگىنىڭ مۇشەسى گەنەرال - مايور ماردەنوۆ مارات جۇكەن ۇلى جانە «نۇر وتان» پارتياسى قىزىلوردا وبلىستىق فيليالى ءتوراعاسىنىڭ ورىنباسارى ەرسۇلتانوۆ ادىلبەك ءبورىباي ۇلى، قىزىلوردا وبلىسى قورعانىس ىستەرى جونىندەگى دەپارتامەنتىنىڭ باستىعى، گەنەرال - مايور ەرنيازوۆ ءالىمجان قاناعات ۇلى اسكەري جاۋىنگەرلەرگە ارناپ ءسوز سويلەدى.
ۇيىمداستىرىلعان پاتريوتتىق ميتينگىدە «اۋعان سوعىسىنىڭ ارداگەرلەرى مەن مۇگەدەكتەرىنىڭ كەڭەسى»، قىزىلوردا وبلىسىنىڭ «نەۆادا- سەمەي» قوعامى، قىزىلوردا قالالىق «چەرنوبىل» قوعامى، ق ر قورعانىس مينيسترلىگى «اسكەري - تەحنيكالىق مەكتەپتىڭ» ساربازدارى، اۋە قورعانىس كۇشتەرى اۋە قوزعالىسى باسقارۋ اۋداندىق ورتالىعىنىڭ وفيتسەرلەرىمەن قاتار، ىشكى ىستەر مينيسترلىگىنە قاراستى ۇلتتىق ۇلان 5547 اسكەري ءبولىمى، ق ر قورعانىس مينيسترلىگىنىڭ 66-597 اسكەري ءبولىمى، ق ر ۇ ق ك شەكارا قىزمەتىنىڭ 2019 اسكەري بولىمدەرىنىڭ ساربازدارى مەن اسكەري قىزمەتكەرلەرى قاتىستى.
ەستەرىڭىزگە سالا كەتسەك، ەلباسى ن. ءا. نازاربايەۆتىڭ «...قازاقستان جولى - 2050: ءبىر ماقسات، ءبىر مۇددە، ءبىر بولاشاق اتتى جولداۋىن نەگىزگە الا وتىرىپ، «ماڭگىلىك ەل» پاتريوتتىق قۇندىلىق اياسىندا، سونىمەن قاتار تاۋەلسىزدىكتىڭ 25 جىلدىق مەرەكەسىنە وراي، «ۇلى دالا ازاماتتارى» 2016 -جىلى 4 - 12 -شىلدە ارالىعىندا «گەنەرالدار كەڭەسى» رەسپۋبليكالىق قوعامدىق بىرلەستىگى قازاقستان حالقى اسسامبلەياسىمەن، «نۇر وتان» پارتياسىمەن جانە قازاقستاننىڭ ينتەرناتسيوناليست- جاۋىنگەرلەرىمەن بىرلەسە قازاقستان قالالارى بويىنشا اۆتوشەرۋ وتكىزۋدى ۇيىمداستىرعان بولاتىن. بۇل شارا قازاقستاندىقتاردىڭ ماسكەۋ تۇبىندەگى ۇرىستا كورسەتكەن ەرلىگىنىڭ 75 جىلدىعىنا ارنالادى.
اۆتوجارىس باعىتى: الماتى، تاراز، شىمكەنت، قىزىلوردا، قازالى، اقتوبە، قوستاناي، پەتروپاۆل، اقمولا، پاۆلودار، سەمەي، اياگوز، ءۇشارال، تالدىقورعان، سارىوزەك، قاپشاعاي گارنيزوندارىندا وتەدى. اۆتوجارىستىڭ جەتەكشىسى زاپاستاعى گەنەرال- مايور ماردەنوۆ مارات جۇكەن ۇلى، اۆتوجارىستىڭ شتاب باستىعى زاپاستاعى پولكوۆنيك ەرعالىموۆ جۇماجان ماردەن ۇلى.
اۆتوشەرۋ بارىسىندا 1941 -جىلى قىزىلوردا وبلىسىنىڭ قازالى اۋدانىندا جاساقتالعان 75-تەڭىز اتقىشتار بريگاداسىنىڭ جاساقتاۋ شتابى بولعان اتتى اسكەر ءبولىمىنىڭ ورنى №16 ماكسيم گوركيي اتىنداعى مەكتەپتىڭ قابىرعاسىنا مەموريالدىق تاقتا ورناتىلادى.
اۆتور: ەلۋباي اۋەزوۆ
