بيىل يليا يلين جوق، سىر ءوڭىرى ريودان كىمگە ءۇمىت ارتىپ وتىر؟

مىنە، سونداي وڭىرلەردىڭ ءبىرى - سىر ەلى.

سەبەبى، تاۋەلسىز قازاقستان تاريحىندا تۇڭعىش رەت 4 دۇركىن الەم، 2 دۇركىن وليمپيادا چەمپيونى اتانعان جالعىز سايىپقىرانىمىز وسى سىر ءوڭىرىنىڭ تۋماسى. ول - يليا يلين!

بيىل تاعى دا ريودا يلين التىن الىپ، ءۇش دۇركىن وليمپيادا چەمپيونى اتانادى دەپ جۇرگەندە «دوپينگ» داۋى اياعىنا تۇساۋ، قولىنا كىسەندەي بولىپ جولىن بوگەدى. بۇل ماسەلەنىڭ ارتى نەمەن اياقتالارى ءالى بەلگىسىز. بىزگە بەلگىلىسى يليا ريودا ونەر كورسەتپەيتىن بولدى.

ەندى بيىل «سىر وڭىرىنەن داڭقتى سپورتشىنىڭ ءىزىن جالعاستىرىپ جۇلدەمەن ورالاتىن كىم بار؟ سىر ءوڭىرى بيىل كىمگە ءۇمىت ارتىپ وتىر؟ وليمپياداعا قانشا سپورتشىسى بارادى؟ ولار كىمدەر؟» دەگەن سۇراقتىڭ جاۋابىنا از- كەم توقتالىپ وتكەندى ءجون سانادىق.

بيىل سىر وڭىرىنەن 4 سپورتشى ريودا ونەر كورسەتەدى. ولاردىڭ قاتارىندا يليننىڭ سالعان سارا جولىن جوعارى دەڭگەيدە قورعاۋعا تىرىساتىن تاعى ءبىر اۋىر اتلەتيكادان الەم چەمپيونى كەتىپ بارادى. ول - الەكساندر زايچيكوۆ! بۇل زىلتەمىرشىمىزگە سىر ءوڭىرى عانا ەمەس، جالپى قازاق دالاسى ءۇمىت ارتىپ وتىرعانىن ۇمىتپايىق. ريودا جولىڭ بولسىن دەپ تىلەيىك...

ەندى سىر وڭىرىنەن وليمپياداعا قاتىساتىن سپورتشىلاردى جەكە- جەكە تانىستىرىپ وتەيىك.

ەسبەرگەنوۆا اينۇر اسقار قىزى

ەسبەرگەنوۆا اينۇر اسقار قىزى - 11.02.1998 ج.

2013-2016 جج. قازاق گۋمانيتارلىق زاڭ جانە تەحنيكالىق كوللەدجىنىڭ «ەسەپ جانە اۋديت» ماماندىعى بويىنشا ءبىلىم الدى.

2008 -جىلدان باستاپ تاەكۆوندومەن اينالىسادى.

№1 وبلىستىق وليمپيادالىق رەزەرۆتىڭ مامانداندىرىلعان بالالار- جاسوسپىرىمدەر مەكتەبىندە جاتتىعادى.

باپكەرى: نيكولاي كۋرنوسكين.

جەتىستىكتەرى:

تاەكۆوندودان ق ر سپورت شەبەرى؛

جاسوسپىرىمدەر اراسىندا 2 دۇركىن قازاقستان چەمپيونى (وسكەمەن، 2012 ج. , پاۆلودار 2013 ج.)؛

ق ر III جاستار سپورت ويىندارىنىڭ جەڭىمپازى (الماتى ق. 2013 ج.)

جاستار اراسىندا قازاقستان بىرىنشىلىگىنىڭ جەڭىمپازى (استانا ق. , 2014 ج. )

VII بۇكىلقازاقستاندىق كوللەدج جانە مەكتەپ وقۋشىلارى سپارتاكياداسىنىڭ جەڭىمپازى؛

ەرلەر مەن ايەلدەر اراسىندا قازاقستان بىرىنشىلىگىنىڭ جەڭىمپازى (اقتوبە ق. , 2015 ج.)؛

ازيالىق ليتسەنزيالىق ءتۋرنيردىڭ كۇمىس جۇلدەگەرى (مانيلا، فيليپپين 2016 ج.).

وسەربايەۆ عالىمجان شاحيزينداحانوۆيچ

وسەربايەۆ عالىمجان شاحيزينداحانوۆيچ - 19. 12.1988 ج.

2001-2007 ج ج. قىزىلوردا وبلىسىنداعى ج. ءباھادۇر اتىنداعى سپورتتا دارىندى بالالارعا ارنالعان مەكتەپ ينتەرناتتا ءتالىم الدى.

بيىل «دەنە شىنىقتىرۋ جانە سپورت» ماماندىعى بويىنشا تۇركىستان قالاسىنداعى قوجا احمەت ياساۋي اتىنداعى حالىقارالىق قازاق- تۇرىك ۋنيۆەرسيتەتىن بىتىرەدى. قىزىلوردا وبلىسىنىڭ جوعارى سپورت شەبەرلىگى مەكتەبىندە جاتتىعادى.

باپكەرى: ق ر ەڭبەك سىڭىرگەن جاتتىقتىرۋشىسى ءابۋتالىپ امانوۆ.

جەتىستىكتەرى:

ەركىن كۇرەستەن ق ر حالىقارالىق دارەجەدەگى سپورت شەبەرى؛

2 دۇركىن ق ر چەمپيونى (2014, 2016 ج ج.)؛

اسكەري قارۋلى كۇشتەر اراسىندا الەم چەمپيونى جانە كۇمىس جۇلدەگەرى (امەريكا، 2014 ج.، يران 2013 ج.)؛

اسكەري قارۋلى كۇشتەر اراسىندا دۇنيەجۇزىلىك ويىندارىنىڭ قولا جۇلدەگەرى (كورەيا، 2015 ج. )؛

ازيا ليتسەنزيالىق ءتۋرنيرىنىڭ چەمپيونى (استانا ق. , 2016 ج. ).

زايچيكوۆ الەكساندر سەرگەيەۆيچ

زايچيكوۆ الەكساندر سەرگەيەۆيچ - 17.08. 1992 ج.

2002-2006 ج ج. وبلىستىق بالالار مەن جاسوسپىرىمدەردىڭ وليمپيادالىق رەزەرۆ مەكتەبىندە ءتالىم السا، 2006-2010 ج ج. قىزىلوردا وبلىسىنىڭ ج. ءباھادۇر اتىنداعى سپورتتا دارىندى بالالارعا ارنالعان مەكتەپ- ينتەرناتتى ءبىتىردى.

2010-2014 ج ج. قورقىت اتا اتىنداعى ق م ۋ- نىڭ «دەنە شىنىقتىرۋ جانە سپورت» ماماندىعى بويىنشا ءبىلىم الدى.

قىزىلوردا وبلىسىنىڭ جوعارى سپورت شەبەرلىگى مەكتەبىندە جاتتىعادى.

باپكەرى: ارمان ابدرايەۆ.

وتباسىلى، 1 -قىز تاربيەلەۋدە.

جەتىستىكتەرى:

اۋىر اتلەتيكادان ق ر ەڭبەك سىڭىرگەن سپورت شەبەرى؛

جاسوسپىرىمدەر اراسىندا ازيا چەمپيوناتىنىڭ قولا جۇلدەگەرى (وڭتۇستىك كورەيا 2008 ج. )؛

جاسوسپىرىمدەر اراسىندا ازيا چەمپيونى (وزبەكستان، تاشكەنت، 2010 ج.)؛

جاستار اراسىندا الەم چەمپيوناتىنىڭ قولا جۇلدەگەرى (مالايزيا، پەنانگ، 2011 ج. )؛

XXX جازعى وليمپيادا ويىندارىنىڭ قاتىسۋشىسى (لوندون 2012 ج. )؛

ەرەسەكتەر اراسىندا الەم چەمپيونى (ا ق ش، حيۋستون 2015 ج.)؛

رەسەي پرەزيدەنتى كۋبوگىنىڭ كۇمىس جۇلدەگەرى (گروزنىي 2015 ج.).

كولوموەتس ماكسيم ۆلاديميروۆيچ

كولوموەتس ماكسيم ۆلاديميروۆيچ - 06.04.1986 ج.

ستەند اتۋدان وبلىستىڭ اعا جاتتىقتىرۋشىسى.

جەتىستىكتەرى:

ستەند اتۋدان ق ر حالىقارالىق دارەجەدەگى سپورت شەبەرى.

قازاقستان رەسپۋبليكاسىنىڭ بىرنەشە دۇركىن چەمپيونى؛

ستۋدەنتتەر اراسىندا الەم چەمپيوناتىنىڭ قولا جۇلدەگەرى (رەسەي، قازان 2012 ج. )؛

قازاقستان بويىنشا 2013 -جىلدىڭ «ۇزدىك مەرگەنى»؛

گران-پري رەسپۋبليكالىق تۋرنيرىندە جەڭىمپاز اتانىپ، قازاقستان رەكوردىن جاڭارتتى (الماتى ق. , 2015 ج.)؛

ازيالىق ليتسەنزيالىق تۋرنيردە 4-ورىندى يەلەندى. (ءۇندىستان، نيۋ-دەلي 2016 ج. ).

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى