ءانشى، پروديۋسسەر قىدىرالى بولمانوۆ رەسەي عىلىم اكادەمياسىنىڭ پروفەسسورى اتاندى

بۇل تۋرالى بۇگىن ول «ۇلىتاۋ» توبىنىڭ الداعى كونسەرتىنە وراي وتكەن بريفينگتە ءمالىم ەتتى.

«قازىر قاۋىرت كەز، حالىقتىڭ ەش ۋاقىتى جوق. سوندىقتان حالىق ەشتەڭەنى ويلاماۋ ءۇشىن جەڭىل اۋەزدى مۋزىكاعا قۇمار بولا تۇسۋدە. ءبىز ۆيرۋستىق الەمدە ءومىر ءسۇرىپ جاتىرمىز. ول ءبىزدى تەلەديدار، ينتەرنەت ارقىلى بالاباقشادا دا، مەكتەپتە دە جاۋلاپ العان. بۇل بىزگە، اسىرەسە بالالارىمىزعا تۇبەگەيلى قاجەت ەمەس. ءبىز مۇنىمەن «بال بالا» ارقىلى كۇرەسۋدى باستاپ كەتتىك. كومپانيا عىلىمي-وندىرىستىك وشاققا اينالۋدا. عالىمدارىمىز دا بار، العاشقى وقۋ-ادىستەمەلىك كەشەنىمىز دە دايىن بولىپ قالدى. ءدال وسى ماسەلەگە وراي مەن ماسكەۋدە ديسسەرتاتسيا قورعادىم. بۇگىن مەن رەسەي عىلىم اكادەمياسىنىڭ پروفەسسورى اتاندىم. ءبىز ءوز كەڭىستىگىمىزدى، ءوز مادەنيەتىمىزدى، اسىرەسە، يدەولوگيالىق كەڭىستىگىمىزدى قورعاۋىمىز كەرەك»، - دەيدى ءانشى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى