ق ر سىرتقى ىستەر ءمينيسترى قازاقستاندىق ديپلوماتتىڭ قىلىعى ءۇشىن كەشىرىم سۇرادى - كەسكىن
ب ا ق- تار قىرعىزستان پرەزيدەنتى ش ى ۇ- دا سويلەپ جاتقاندا ەسىنەپ وتىرعان ديپلوماتتىڭ قوعامدا نارازىلىق تۋعىزعانىن حابارلاعان ەدى.
«قىرعىزستان پرەزيدەنتى المازبەك اتامبايەۆ ش ى ۇ ەلدەرى ليدەرلەرىنىڭ سامميتىندە ءسوز سويلەپ جاتقان كەزدە قازاقستاندىق ديپلومات بىردە ەسىنەپ، بىردە ساۋساعىن اۋزىنا اپارىپ، بىردە شايناڭداپ، بىردە اڭگىمەلەسىپ وتىردى»، - دەپ جازعان ەدى ب ا ق- تار.
سويتسەك، ديپلومات شىڭعىس قاراعوجينوۆ ەكەن، ول قازىرگى ۋاقىتتا پرەزيدەنت اكىمشىلىگىنىڭ پروتوكولىندا جۇمىس ىستەيدى.
«(...) ول ءبىزدىڭ قازاقستاندىق ديپلومات، سىرتقى ىستەر مينيسترلىگى جۇيەسىندە بولعان، قازىر ول ءوزىنىڭ بىلىكتىلىگىن كورسەتىپ، پرەزيدەنت اكىمشىلىگىنىڭ پروتوكولىنا قوسىلدى. (...) ول تىكەلەي ەفيردە وتىرعانىن بىلمەدى. ءبىز بارلىعىمىز ادامبىز، اركىم ەسىنەيدى. بۇل ادامنىڭ قاراپايىم ادەتى. ناقتى ايتقىم كەلەدى، مۇندا ەشقانداي دا جاسىرىن ءمان-ماعىنا جوق. بلوگوسفەرادا بۇل ارەكەتتىڭ ارنايى جاسالعانى تۋرالى ەموتسيونالدى پىكىرلەر ايتىلىپ جاتىر، ەكىجاقتى قارىم-قاتىناس ماسەلەسىنە قايتادان شىعارىپ جىبەردى. بۇلاي جاساۋعا بولمايدى»، - دەدى ىدىرىسوۆ Tengrinews.kz ءتىلشىسىنىڭ سۇراعىنا جاۋاپ بەرە وتىرىپ.
«ادامعا ءتان قاسيەتتەر بىزدە دە بار. الايدا ديپلومات - ەرەكشە مامان يەسى، ءارقاشان ساق بولۋ كەرەك. ونىڭ ۇستىنە بۇل حالىقارالىق شارا ەدى. ارينە، ساق بولۋى كەرەك ەدى، زالدا كامەرالاردىڭ بارىن ءبىلۋ كەرەك. وسىنى ەسكەرۋى كەرەك ەدى. وكىنىشكە قاراي، ول كامەرا جۇمىس ىستەپ تۇرعان جەردە وتىرعانىن ۇمىتىپ كەتتى. ەگەر ەموتسيامەن پىكىر ءبىلدىرىپ جاتقانداردى قاناعاتتاندىراتىن بولسا، مەن كەشىرىم سۇرايمىن، مۇندا ەشقانداي دا بوتەن ويدىڭ بولماعانىن تاعى دا قايتالاپ ايتامىن. وكىنىشكە قاراي، بۇل جىگىت كامەرالار جۇمىس ىستەپ تۇرعاندا وسىنداي جاعدايعا ءتۇسىپ قالدى»، - دەدى مينيستر.
«مەن ونى جاقسى تانيمىن. مەن ۆاشينگتوندا جۇمىستا بولعانىمدا بايقادىم، ول ءبىزدىڭ ستۋدەنت ەدى، وزات وقىدى. (..« .) ونىڭ بەلسەندى ستۋدەنت بولعانىن ايتقىم كەلەدى. ونىڭ كاسىبي جۇمىسىنا شاعىم جوق. (...) بۇل جىگىتكە جانە قالعان ديپلوماتتارعا ايتقىم كەلەتىنى - ءبىز كوبىندە قوعام الدىندا جۇمىس ىستەيمىز، سوندىقتان مۇنى ەستە ۇستاۋ كەرەك، كاسىبي جۇمىستا قاراپايىم ادامعا ءتان قىلىقتارعا جول جوق. (...) بۇل جاعدايدى مەملەكەتارالىق قارىم-قاتىناسقا شىعارماۋ كەرەك. ەگەر ادامدار قالاسا، مەن وسى ءبىر كىشىگىرىم وقيعا ءۇشىن كەشىرىم سۇرايمىن»، - دەدى ىدىرىسوۆ.
