ن. نازاربايەۆتىڭ شەتەلدىك سەرىكتەستەرمەن دوستىق قارىم-قاتىناسى قازاقستاننىڭ مۇددەلەرىن ىلگەرى جىلجىتۋدا ەلەۋلى ءرول اتقارۋدا - ن. ونجانوۆ
«قازاقستان پرەزيدەنتىنىڭ الەمدىك ارەناداعى بيىك بەدەلىن ونىڭ حالىقارالىق كەزدەسۋلەرىنىڭ تىعىز كەستەسى دە كوركەمدەي تۇسەدى. مىسالى، 2015-2016-جىلدارى مەملەكەت باسشىسى شەتەلدىك ارىپتەستەرىنىڭ قاتىسۋىمەن 300 دەن استام ءىس-شارا وتكىزدى. كەزدەسۋلەر مەن بايلانىستاردىڭ ەڭ تىعىز كەستەسى ءبىزدىڭ ەڭ جاقىن كورشىمىز - رەسەيمەن قالىپتاستى.
رەسەي - قازاقستاننىڭ ستراتەگيالىق ارىپتەسى جانە وداقتاسى. ءبىزدى كوپ عاسىرلىق تاريح، ورتاق مادەنيەت پەن باۋىرلاستىق قاتىناستار، دوستىق پەن تاتۋ كورشىلىك دانەكەرلەرى بايلانىستىرادى. تولىق ايقىندىق ءۇشىن رەسەي پرەزيدەنتىنىڭ باعاسىن مىسالعا كەلتىرەيىك: «مەنىڭ رەسەي- قازاقستان قاتىناستارىنا سيپاتتاما بەرۋىم قاجەتسىز. بۇل جاي عانا سەنىسكەن ارىپتەستىك ەمەس، بۇل وسى ءسوزدىڭ بارلىق ماعىناسىنداعى وداقتاستىق قاتىناستار...»، - دەپ جازادى ماقالا اۆتورى.
ن. ونجانوۆ كەز كەلگەن سۇحباتتاسپەن ورتاق ءتىل تابا ءبىلۋى، ماسەلەنىڭ مانىنە بويلاۋ قابىلەتتىلىگى جانە تەحنيكالىق بۇگە-شىگەلەردى كەرەمەت جادىندا ساقتاۋى، تاماشا ءازىل مەن ادەپ سەزىمى - وسىنىڭ ءبارى جانە كوپتەگەن باسقا قاسيەتتەرى ن. ءا. نازاربايەۆقا، مەملەكەتتەر مەن ۇكىمەتتەر باسشىلارىن، حالىقارالىق ۇيىمدار جەتەكشىلەرىن، كورنەكتى ساياساتكەرلەردى، قوعام قايراتكەرلەرىن، ينۆەستورلار مەن ترانسۇلتتىق كومپانيالار باسشىلارىن قوسا العاندا، قازاقستاننىڭ بارلىق شەتەلدىك ارىپتەستەرىمەن دوستىق ءراۋىشتى سەنىمگە تولى قارىم-قاتىناستاردى جولعا قويۋعا مۇمكىندىك بەرەتىندىگىن باسا ايتقان.
«ناق وسى قاراپايىم ادامي قاتىناستار قازاقستان رەسپۋبليكاسىنىڭ مۇددەلەرىن ىلگەرى جىلجىتۋدا ەلەۋلى ءرول اتقارۋدا»، - دەيدى ول.
اۆتور: مارلان جيەمباي
