الماتىدا لاڭكەستىك توپتىڭ مۇشەسى سوتتالدى

الماتى قالاسى پروكۋرورىنىڭ ورىنباسارى بەرىك جۇيرىكتايەۆتىڭ ايتۋىنشا، يسلامداعى راديكالدى اعىمدى جاقتاۋشى ك. ەسىمدى ازامات 2013-جىلى قىركۇيەك ايىندا اسكەري قاقتىعىستارعا قاتىسۋ ءۇشىن سيريا اراب رەسپۋبليكاسىنا بارادى.

«ول 2013-جىلى قىركۇيەك-قازان ايلارىندا «ابۋ جيحاد» لاقاپ اتىن جامىلىپ، «ابۋ داۋد» سودىرلارىنا (سيرياداعى قازاق جاماعاتى) بارىپ قوسىلادى.

ءسويتىپ، د ا ي ش (يسلام مەملەكەتى) حالىقارالىق لاڭكەستىك ۇيىمى قۇرامىندا ۇكىمەت اسكەرلەرىنە قارسى اسكەري قاقتىعىستارعا قاتىسقان. ال، 2013-جىلدىڭ قازان ايىنىڭ سوڭىندا ك. قازاقستانعا ورالادى. ونداعى ماقساتى - د. ەسىمدى ازاماتتى جانە باسقا دا جەكە تۇلعالاردى سيريا جەرىندەگى قارۋلى قاقتىعىستارعا قاتىسۋعا شاقىرۋ جانە مۇلىكتەرىن ساتۋعا ۇگىتتەۋ»، - دەدى ب. جۇيرىكتايەۆ.

ودان باسقا، ك. اتىس قارۋىن، دالىرەك سوعىس پاترونىمەن اتۋعا بولا بەرەتىندەي ەتىپ قايتا جاسالعان «6پ37» جانە «ي ج-78» مودەلدى جاراقاتتاۋشى تاپانشالارىن زاڭسىز ساتىپ العان، ساقتاعان جانە وزىمەن بىرگە الىپ جۇرگەن. ولاردى قاشان جانە قاي جەردەن العانى بەلگىسىز. سونداي-اق، ودان كاليبرى 4,45 ميلليمەترىك 4 دانا وق-ءدارى تاركىلەندى.

الماتى قالاسىنىڭ المالى اۋداندىق سوتى ق ر ق ك 259-بابىنىڭ 1- تارماعى، 287-بابىنىڭ 3- تارماعى، 233-2-بابىنىڭ 2- تارماعى (1997-جىلعى رەداكسياسى) جانە ق ر قىلمىستىق كودەكسىنىڭ 58-بابى نەگىزىندە ك. -عا قاتىستى ايىپتاۋ ۇكىمىن شىعاردى. قىلمىستار جيىنتىعى نەگىزىندە ك. مۇلكى تاركىلەنىپ، 6,6 جىلعا باس بوستاندىعىنان ايرىلدى.

ول جازاسىن جالپى رەجىمدەگى تۇزەتۋ كولونياسىندا وتەيتىن بولادى.

اۆتور: ايبوتا جاپپاربەرگەن

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى