قازاقستاننىڭ قارۋلى كۇشتەرىندە جاۋىنگەرلىك ازىرلىك اپتاسى باستالدى
شارانىڭ ەرەكشەلىگى - تۇنگى ۋاقىتتا جوعارى جاۋىنگەرلىك ازىرلىكتىڭ جوعارى دارەجەسىنە كەلتىرۋ ماسەلەلەرىن پىسىقتاۋ بولىپ تابىلادى. بۇل رەتتە ديۆەرسياعا قارسى قاۋىپسىزدىككە ەرەكشە نازار اۋدارىلادى.
تۇرلەر مەن اسكەر تەكتەرىنىڭ اسكەري قىزمەتشىلەرىنە كاسىبي جاۋىنگەرلىك جانە دەنە دايارلىعىنىڭ نەگىزگى نورماتيۆتەرى بويىنشا سىناق تاپسىرۋعا تۋرا كەلەدى، بولىمشەلەر اسكەري تەحنيكانى تارتا وتىرىپ، بەرىلگەن اۋداندارعا مارش جاسايدى. ءىس-شارالار قاراپايىمنان كۇردەلىگە قاعيداتى بويىنشا وتكىزىلەدى. ەڭ الدىمەن بولىمشەلەر مەن ۆزۆودتار، ءارى قاراي روتالار مەن باتالوندار، اسكەري بولىمدەر، وڭىرلىك قولباسشىلىقتار (اسكەر تەكتەرى) دەڭگەيىندە، سودان كەيىن اسكەر تۇرلەرى دەڭگەيىندە جانە قارۋلى كۇشتەر اۋقىمىندا.
بۇگىن قورعانىس مينيسترلىگى ورتالىق اپپاراتىنىڭ اسكەري قىزمەتشىلەرى 68665 اسكەري ءبولىمىنىڭ پوليگونىندا اتىس دايارلىعى بويىنشا سىناق تاپسىردى. وفيتسەرلەر مەن سەرجانتتار ماكاروۆ تاپانشاسى مەن كالاشنيكوۆ اۆتوماتىنان وق اتتى. باسقارۋ ورگاندارىندا جەكەلەگەن جانە بىرلەسكەن شتابتىق جاتتىقتىرۋلار وتكىزىلدى.
جاۋىنگەرلىك ازىرلىك اپتاسى ارميانىڭ شىنايى مۇمكىندىكتەرىن، تۇرلەر مەن اسكەر تەكتەرى بولىمدەرى مەن بولىمشەلەرىنىڭ قىسقا مەرزىمدە جان-جاقتى دايىندىقتى جۇزەگە اسىرۋ قابىلەتتىلىگىن تەكسەرۋگە، قارسىلاسپەن ۇيىمداسقان تۇردە ۇرىسقا كىرىسۋگە جانە قويىلعان تاپسىرمانى ورىنداۋعا مۇمكىندىك بەرەدى.
بۇگىن اسكەري جانجالداردىڭ سيپاتى كۇرت وزگەرۋى، سونداي-اق قارۋ-جاراق پەن اسكەري تەحنيكانىڭ زاماناۋي ۇلگىلەرى ەنگىزىلۋى جاعدايىندا اسكەري قىزمەتشىلەردەن جان-تانىمەن تولىق بەرىلىپ ىستەۋ، ساپالى ءبىلىم الۋ، جوعارى شەبەرلىك پەن جىلدام اۋىساتىن احۋالعا جەدەل دەن قويۋ شەبەرلىگى قاجەت ەتىلەدى. اسكەري قىزمەتشىلەردىڭ ايتۋىنشا، تولىق جاۋىنگەرلىك ازىرلىكتە بولۋ ءۇشىن ءوز-ءوزىندى قامشىلاپ، ءاردايىم فيزيكالىق تۇرعىدا شىنىعۋ، ەرلىك، تاباندىلىق، شىدامدىلىق، تارتىپتىلىك پەن اتقارۋشىلىق سىندى قاسيەتتەردى باۋلۋ قاجەت.
