ريو وليمپياداسىنا باراتىندارعا دوپينگ داۋىنىڭ ەش قاتىسى بولماۋى ءتيىس - ن. نازاربايەۆ
بۇگىن اقوردادا ريو وليمپياداسىنا باراتىن سپورتشىلارمەن كەزدەسكەن ەلباسى نۇرسۇلتان نازاربايەۆ وسىلاي دەدى.
«بارعىسى كەلەتىن سپورتشىلار كوپ بولعانىمەن، بىرەن-سارانى عانا بارادى. بۇكىل الەم بويىنشا 10 مىڭ سپورتشى تىم از. سىزدەر وسىناۋ ۇلكەن ەليتاعا، التىن ەليتاعا قوسىلدىڭىزدار. مۇنىڭ ءوزى جەتىستىك. مۇنىمەن دە سىزدەردى قۇتتىقتايمىن. سىزدەر، سپورتشىلار، بەيبىتشىلىك ەلشىسى سانالاسىزدار، ولار ادامداردى جاقىنداستىرادى. سپورت بەيبىت جولمەن جارىسا وتىرىپ تا ءوز ەلىڭنىڭ مۇمكىنشىلىگىن دالەلدەۋگە بولاتىنىن كورسەتەدى. سىزدەردىڭ جەڭىستەرىڭىز قازاقستان بەدەلىنىڭ قورجىنىنا تۇسەدى.
مەملەكەت باسشىسى ەكونوميكاسى مەن مادەنيەتى تومەن، دامىماعان ەلدەردە سپورتتىڭ دامۋى مۇمكىن ەمەستىگىن باسا ايتىپ ءوتتى.
«جالپى، مۇنىڭ بارلىعى دا الەمدەگى جانە برازيليانىڭ وزىندەگى دوپينگكە قارسى شارالار، كوپشىلىگى ءۇشىن تۇسىنىكسىز قيىن جاعداي اياسىندا وتۋدە. ولاردىڭ قانشالىقتى ءادىل نەمەسە ءادىل ەمەستىگى تۇسىنىكسىز. دەگەنمەن، مۇنىڭ بارلىعىنىڭ دا سىزدەرگە قاتىسى بولماۋى ءتيىس. سىزدەردىڭ مىندەتتەرىڭىز كۇرەسۋ، جەڭۋ. سىزدەر ءبىزدىڭ سپورتتىق وتباسىمىزدىڭ تولىققاندى مۇشەسىسىزدەر. كوپشىلىگى جاس، سىزدەردىڭ الدارىڭىزدا تاعى دا جارىستار بولادى»، - دەدى ن. نازاربايەۆ.
اۆتور: مارلان جيەمباي
