استانادا اباي ەسكەرتكىشىنىڭ جانىندا كىتاپ پەن پوەزيا مەرەكەسى ءوتتى - فوتو
ەرەسەكتەر مەن جاس وقىرمانداردى كىتاپ وقۋعا باۋلۋعا ارنالعان كىتاپ پەن پوەزيا مەرەكەسى بىرنەشە جىلدان بەرى وتكىزىلىپ كەلەدى.
بيىل شارا بارىسىندا ف. وڭعارسىنوۆانىڭ «ولەڭدەر جيناعى» كىتابىنىڭ تۇساۋكەسەرى وتكىزىلدى، «ابايدىڭ رۋحى» اتتى تەاترلاندىرىلعان قويىلىم كورسەتىلىپ، بوكەيحانوۆ پەن مۇقاعالي وقۋلارى مەن «وقيتىن ۋاقىت» پرومواكتسياسى ۇيىمداستىرىلدى.
كەلۋشىلەر نازارىنا اباي قۇنانبايەۆتىڭ ءومىرى تۋرالى شىعارمالار ۇسىنىلدى. ق. قۋانىشبايەۆ اتىنداعى قازاق مۋزىكالىق اكادەميالىق دراما تەاترىنىڭ اكتەرلارى شىعىستىڭ ۇلى تۇلعاسىنىڭ حالقىنىڭ ءبىلىمدى بولعانىن كورۋ سىندى ارمانىن جۇزەگە اسىرا الدى.
ارنايى ورناتىلعان ستەندتەردە تاۋەلسىزدىگىمىزدىڭ تاريحى كورسەتىلدى. تاقىرىپتىق ەكسپوزيتسيا بىرنەشە بولىمنەن تۇرادى. ورتالىقتاندىرىلعان كىتاپحانا جۇيەسى قورىنان جينالعان كىتاپتاردا تاريحي تۇلعالار، استانا تۋرالى جاڭا قازاقستاننىڭ جوباسى رەتىندە، سونداي-اق، ەكسپو-2017 كورمەسى جايلى جازىلعان. مەرەكەلىك شاراعا ەلوردالىق اقىندار قاتىستى.
بوكەيحانوۆ وقۋلارىندا بوستانوۆا جانسايا، تۇرعانبەكوۆا قاراقات، اۋباكىروۆ راۋان، ورىنبەكوۆا جاسمين ءوز ونەرلەرىن ورتاعا سالدى.
- «وقيتىن ۋاقىت» پرومواكتسياسى ارقىلى ادامداردى كىتاپ وقۋعا كوبىرەك تارتۋعا تىرىسامىز. وسكەلەڭ ۇرپاقتىڭ ءوزىن-ءوزى دامىتۋمەن اينالىساتىنىنا قۋانىشتىمىز. وسىعان بايلانىستى جازدا دا بالالارعا ارنالعان شارالاردى توقتپايمىز. بۇگىنگى شارا - كىتاپقۇمار جانداردىڭ اشىق اسپان استىنداعى كەزدەسۋى. استانادا كۇن جاڭبىرلى، ءبىراق جاقىن ارادا كەزدەسۋلەر قايتا جاندانادى. شارالارعا بالالار عانا ەمەس، اتا-انالار دا كەلەدى. مىسالى، «اكەممەن بىرگە بۇيىمدار جاسايمىن» شاراسىندا بالالار اتا-انالارمەن بىرگە كونكۋرستارعا قاتىسىپ، قولدان جاساعان بۇيىمدارىن كورسەتتى. سونىمەن قاتار، جاس وقىرماندار قازاق ءتىلىن مەڭگەرۋ بويىنشا قۇرالداردى سۇرادى. ورىس تىلىندە مۇلدەم سويلەمەيتىن دە بالالار بار. ولارعا كومەكتەسۋگە تىرىسامىز، - دەدى ورتالىق جاسوسپىرىمدەر كىتاپحاناسىنىڭ اعا وقىتۋشىسى ورالوۆا ۆالەنتينا.
